అమరావతి (మహారాష్ట్ర): దేశవ్యాప్తంగా సంచలనం సృష్టించిన అమరావతి లైంగిక వేధింపులు, బ్లాక్ మెయిలింగ్ కేసులో దిమ్మతిరిగే వాస్తవాలు వెలుగులోకి వస్తున్నాయి. ఈ దారుణాలకు సూత్రధారి అయిన అయాన్ అహ్మద్ పోలీసుల విచారణలో షాకింగ్ విషయాలు వెల్లడించాడు. తన మొదటి ప్రేమ విఫలమై బ్రేకప్ అయిన తర్వాతే తాను ‘ప్లేబాయ్’గా మారానని అతను విచారణలో చాలా సాధారణంగా చెప్పడం చూసి పోలీసులే అవాక్కయ్యారు.
విలాసాల కోసం వేట.. సోషల్ మీడియానే ఆయుధం!
నిందితుడు అయాన్ అహ్మద్కు ఇన్స్టాగ్రామ్లో సుమారు 18,000 మంది ఫాలోవర్లు ఉన్నారు. సెల్ఫోన్ బిజినెస్ చేస్తూ, పెయిడ్ ప్రమోషన్ల ద్వారా భారీగా సంపాదించేవాడు. అయినప్పటికీ, తన విలాసవంతమైన జీవనశైలి కోసం స్నేహితులు, కుటుంబ సభ్యుల దగ్గర అప్పులు చేసేవాడు. సోషల్ మీడియాలో తనకున్న ఇమేజ్ను అడ్డం పెట్టుకుని అమ్మాయిలకు గాలం వేసేవాడు. వారితో నాలుగు ఐదు నెలల పాటు చాటింగ్ చేసి, నమ్మకం కలిగించిన తర్వాత లైంగిక కోరికలు తీర్చాలని వేధించడం మొదలుపెట్టేవాడు.
ఇద్దరు కుర్రాళ్ల మధ్య ‘బెట్టింగ్’.. ఎంత దారుణం!
ఈ కేసులో మరో నిందితుడు ఉజైర్ ఖాన్, అయాన్ కలిసి అమ్మాయిల జీవితాలతో ఆటలాడుకున్నారు. విచారణలో తేలిన అత్యంత భయంకరమైన విషయం ఏమిటంటే.. వీరిద్దరూ ఎవరిని ఎక్కువ మంది అమ్మాయిలను లోబర్చుకుంటారనే విషయంలో ‘బెట్టింగ్’ కాచుకునేవారు. ఈ పోటీలో భాగంగానే అమ్మాయిలతో సన్నిహితంగా ఉన్న వీడియోలను రికార్డ్ చేసి, వాటితో బ్లాక్ మెయిల్ చేయడం మొదలుపెట్టారు. మైనర్ బాలికలను సైతం వదలకుండా వారు సాగించిన ఈ రాక్షస క్రీడ చివరకు బయటపడింది.
నిందితుడి ఇంటిపై బుల్డోజర్ల గర్జన
ఈ దారుణాలపై ప్రజల్లో తీవ్ర ఆగ్రహం వ్యక్తమవుతున్న నేపథ్యంలో, అధికారులు కఠిన చర్యలు చేపట్టారు. నిందితుడు అయాన్ అహ్మద్ నివాసంలోని అక్రమ కట్టడాలను బుధవారం (ఏప్రిల్ 15) మున్సిపల్ అధికారులు బుల్డోజర్లతో కూల్చివేశారు. సోషల్ మీడియాలో అశ్లీల వీడియోలు వైరల్ కావడంతో పోలీసులు రంగంలోకి దిగి అతన్ని అరెస్ట్ చేశారు. ప్రస్తుతం నిందితుడు ఏప్రిల్ 21 వరకు పోలీస్ కస్టడీలో ఉన్నాడు.
బయటపడ్డ వందలాది వీడియోలు
సైబర్ క్రైమ్ పోలీసులు ప్రాథమికంగా వందకు పైగా అశ్లీల వీడియోలను గుర్తించారు. వీటిలో 18 వీడియోలు, 39 ఫోటోలు నేరుగా నిందితుడికి సంబంధించినవేనని ఫోరెన్సిక్ విశ్లేషణలో నిర్ధారణ అయ్యింది. ఇది కేవలం ఒక వ్యక్తి చేసిన తప్పు మాత్రమే కాదని, దీని వెనుక ఒక పెద్ద నెట్వర్క్ ఉందనే కోణంలో పోలీసులు దర్యాప్తు ముమ్మరం చేశారు. మైనర్లను వేధించే ఇలాంటి సైబర్ మృగాల పట్ల కఠినంగా వ్యవహరిస్తామని ఉన్నతాధికారులు హెచ్చరించారు.