ప్రపంచంలోని అత్యంత ముఖ్యమైన ఇస్లామిక్ నాయకులలో ఒకరు, ఇరాన్ సుప్రీం లీడర్ అలీ ఖమేనీ అమెరికా జరిపిన దాడిలో మరణించారు. ఆయన మరణం ఇరాన్ ప్రజలందరినీ శోకసంద్రంలో ముంచెత్తింది.
ప్రపంచ దేశాలన్నింటికీ అమెరికా ఒక ‘పెద్దన్న’లా వ్యవహరిస్తోంది. అమెరికా జరిపే ఇటువంటి సైనిక దాడులపై ప్రపంచవ్యాప్తంగా అనేకసార్లు విమర్శలు వచ్చాయి. ఇప్పటివరకు అమెరికా కారణంగా ఏయే దేశాల నాయకులు ప్రాణాలు కోల్పోయారో కింద చూడవచ్చు.
1. సద్దాం హుస్సేన్: ఇరాక్ మాజీ అధ్యక్షుడు సద్దాం హుస్సేన్. మొదటి నుండి అమెరికాకు, ఇరాక్‌కు మధ్య విభేదాలు ఉన్నాయి. అమెరికాలోని జంట కట్టడాల (9/11) దాడి తర్వాత ఒసామా బిన్ లాడెన్ కోసం వేట మొదలైన క్రమంలో ఇరాక్‌తో అమెరికా యుద్ధానికి దిగింది. ఆ యుద్ధంలో ఇరాక్ ఓడిపోగా, అమెరికా సైన్యం సద్దాంను బంధించింది. 2006లో ఆయనను ఉరితీశారు. ఇరాక్ చమురు సంపదను హస్తగతం చేసుకోవడమే ఈ యుద్ధం వెనుక ఉన్న అసలు కారణమని అంటారు.
2. మాన్యువల్ నోరీగా: పనామా దేశాధ్యక్షుడిగా పనిచేసిన మాన్యువల్ నోరీగా, సైనికుడిగా జీవితాన్ని ప్రారంభించి తిరుగుబాటు ద్వారా అధికారాన్ని దక్కించుకున్నారు. నియంతగా, మాదకద్రవ్యాల స్మగ్లింగ్‌కు సహకరించిన వ్యక్తిగా ఆయనపై ఆరోపణలు వచ్చాయి. క్యూబా, లిబియా వంటి అమెరికా శత్రు దేశాలతో సన్నిహితంగా ఉన్నందుకు అమెరికా ఆయనను పదవి నుండి తొలగించింది. అమెరికా జైలులో శిక్ష అనుభవించిన నోరీగా, 2017లో 83 ఏళ్ల వయసులో అనారోగ్యంతో మరణించారు.
3. న్గో దిన్ దియమ్: దక్షిణ వియత్నాం మొదటి అధ్యక్షుడు. ఈయన మరణం వెనుక కూడా అమెరికా హస్తం ఉందని చెబుతుంటారు. 1963 నవంబర్ 2న ఈయన హత్యకు గురయ్యారు.
4. గడ్డాఫీ: లిబియా అధ్యక్షుడు గడ్డాఫీ మొదటి నుండి అమెరికాతో ఘర్షణ వైఖరినే అవలంబించారు. చమురు నిధులు అధికంగా ఉన్న ఈ దేశంపై అమెరికా కన్ను పడింది. అంతర్గత యుద్ధం మరియు అమెరికా వ్యూహాల కారణంగా పదవిని కోల్పోయిన గడ్డాఫీని తిరుగుబాటుదారులు కొట్టి చంపారు.
ప్రపంచంలోని మరెందరో నాయకుల మరణాల వెనుక అమెరికా ఉందనే పుకార్లు ఉన్నాయి. క్యూబా అధ్యక్షుడు ఫిడెల్ కాస్ట్రోను చంపడానికి కూడా అమెరికా అనేకసార్లు ప్రయత్నించిందని సమాచారం.