ఉత్తరప్రదేశ్ రాష్ట్రం హర్దోయ్ జిల్లాలో, పదో తరగతి విద్యార్థి ఒకరు రోజూలాగే తన సైకిల్‌పై పాఠశాలకు బయలుదేరాడు.
ఆ సమయంలో, ఊహించని విధంగా తన సైకిల్ చక్రంలో తీవ్ర విషపూరితమైన నాగుపాము చిక్కుకుని ఉండటాన్ని గమనించి అతడు తీవ్ర దిగ్భ్రాంతికి గురయ్యాడు.
సైకిల్ తొక్కుతుండగానే చక్రానికి పాము చుట్టుకుని ఉండటాన్ని చూసిన ఆ విద్యార్థి.. క్షణం కూడా ఆలస్యం చేయకుండా భయంతో కేకలు వేస్తూ సైకిల్‌ను నడిరోడ్డుపైనే పడేసి ప్రాణభయంతో పరుగులు తీశాడు.
ఈ ఘటనను చూసి హడలిపోయిన స్థానిక గ్రామస్తులు.. చాలాసేపు శ్రమించి సైకిల్ చక్రంలో ఇరుక్కుపోయిన ఆ విషసర్పాని సురక్షితంగా బయటకు తీశారు.