“అయ్యో దేవుడా, నా చెల్లి చెరువులో దూకేసింది రా..!” రోజంతా చెరువును గాలించిన SDRF.. పరువు పోతుందనే భయంతో ఇలాంటి పనా..? సీసీటీవీ కెమెరాలో చిక్కిన షాకింగ్ నిజం..!!

మధ్యప్రదేశ్ రాష్ట్రం భిండ్ ప్రాంతంలో, తన చెల్లి చెరువులో దూకిందని ఓ అన్న ఇచ్చిన సమాచారం మేరకు, పోలీసులు మరియు ఎస్‌డీఆర్‌ఎఫ్‌ (SDRF) రెస్క్యూ టీం అనేక గంటల పాటు చెరువులో తీవ్రంగా గాలించిన ఘటన స్థానికంగా కలకలం రేపింది.

భిండ్ ప్రాంతానికి చెందిన ఆర్యన్ అనే యువకుడు, తన చెల్లి అంజలితో కలిసి స్కూటర్‌పై వెళ్తుండగా.. చెరువు గట్టున బండిని ఆపమని చెప్పి, తన చెప్పులు మరియు చున్నీ తీసిపెట్టి ఆమె చెరువులో దూకేసిందని పోలీస్ స్టేషన్‌లో ఫిర్యాదు చేశాడు.

దీనిని నమ్మిన రెస్క్యూ టీం మరియు ఈతగాళ్లు రోజంతా చెరువు నీటిలో దిగి గాలించినా ఆ యువతి ఆచూకీ లభించలేదు. దీంతో అనుమానం వచ్చిన పోలీసులు ఆ ప్రాంతంలోని సీసీటీవీ కెమెరా దృశ్యాలను పరిశీలించారు.

సీసీటీవీ దృశ్యాల్లో అన్న ఆర్యన్ స్కూటర్‌పై ఒంటరిగానే వచ్చినట్లు తేలడంతో, పోలీసుల అనుమానపు వలయంలో చిక్కుకున్న ఆ కుటుంబ సభ్యులు చివరకు నిజాన్ని అంగీకరించారు.

తన చెల్లి అప్పటికే తన ప్రియుడితో కలిసి అహ్మదాబాద్ పారిపోయిందని, ఊరిలో పరువు పోతుందనే భయంతో చెల్లి చెప్పులను చెరువు గట్టున వదిలేసి ఇలాంటి నాటకానికి తెరతీసినట్లు అన్న అంగీకరించాడు. ఈ ఘటనపై పోలీసులు దర్యాప్తును ముమ్మరం చేశారు.