“అయ్యో న్యాయం ఎక్కడ?. పోలీస్ స్టేషన్ లోపలే విషం తాగిన 22 ఏళ్ల యువతి. గుండెను పిండేసే సిసిటివి దృశ్యాలు. మధ్యప్రదేశ్‌లో తీవ్ర కలకలం.!”

మధ్యప్రదేశ్ రాష్ట్రం ఛతర్‌పూర్ జిల్లాలోని మహారాజ్‌పూర్ పోలీస్ స్టేషన్ లోపల పింకీ నాయక్ అనే 22 ఏళ్ల యువతి విషం తాగి ఆత్మహత్యకు యత్నించిన సంఘటన తీవ్ర కలకలం రేపింది.

తమ కుటుంబ సభ్యులపై జరిగిన దాడి మరియు హత్య బెదిరింపులపై ఫిర్యాదు చేసినప్పటికీ, పోలీసులు చర్యలు తీసుకోవడంలో ఆలస్యం చేయడం వల్లే ఆమె ఈ తీవ్రమైన నిర్ణయం తీసుకుందని బాధితురాలి కుటుంబ సభ్యులు ఆరోపిస్తున్నారు.

ఈ సంఘటన నేపథ్యాన్ని పరిశీలిస్తే, బాధితురాలి సోదరుడిపై ఎదురు వర్గం దాడి చేసిన విషయమై, వారి మధ్య జరుగుతున్న వరుస ఘర్షణలపై ఇప్పటికే పోలీస్ స్టేషన్‌లో ఫిర్యాదులు చేయబడ్డాయి. అయినప్పటికీ, పోలీసులు తగిన చర్యలు తీసుకోకుండా విచారణను ఆలస్యం చేశారని, ఎదురు వర్గం బెదిరింపులు పెరిగిన నేపథ్యంలో న్యాయం జరగకపోవడంతో కలిగిన మానసిక వేదనతోనే ఆ యువతి పోలీస్ స్టేషన్ ప్రాంగణంలోనే విషం తాగిందని తెలుస్తోంది. ఈ దృశ్యాలు పోలీస్ స్టేషన్ సిసిటివి కెమెరాలో కూడా రికార్డయ్యాయి.

విషం తాగిన ఆ యువతిని వెంటనే రక్షించి ఛతర్‌పూర్ జిల్లా ప్రభుత్వ ఆసుపత్రికి తరలించి అత్యవసర చికిత్స అందిస్తున్నారు. ప్రస్తుతం ఆమె ఆరోగ్య పరిస్థితి నిలకడగా ఉందని వైద్యులు తెలిపారు. ఈ ఘటనపై ఛతర్‌పూర్ ఎస్పీ సమగ్ర విచారణకు ఉత్తర్వులు జారీ చేయడంతో పాటు పోలీస్ స్టేషన్ సిసిటివి దృశ్యాలను కూడా పరిశీలిస్తున్నారు.