“నాపై తప్పుడు నిందలు వేశారు అమ్మా.. ఆ 10, 20 రూపాయలను నేను దొంగిలించలేదు. అందరూ నన్ను అవమానిస్తుంటే భరించలేకపోతున్నాను, నన్ను క్షమించు!” అని బెంగళూరు శివార్లలోని అనేకల్ తాలూకా, మారసూరు గ్రామంలోని ప్రభుత్వ పాఠశాలలో 8వ తరగతి చదువుతున్న 13 ఏళ్ల బాలిక, ఆత్మహత్యకు ముందు రాసిన లేఖ ఇప్పుడు తల్లిదండ్రులందరినీ కన్నీరు పెట్టిస్తోంది.
పాఠశాలలో తోటి విద్యార్థుల వద్ద ఉన్న 10 మరియు 20 రూపాయలను ఈ విద్యార్థిని దొంగిలించిందని ఉపాధ్యాయులు ఆమెపై నిందలు మోపారు. దీనిపై ఉపాధ్యాయులు పదేపదే మందలించడమే కాకుండా, అందరి ముందు తీవ్రంగా అవమానించారు. ఈ తీవ్ర మనస్తాపంతో, ఇంట్లో ఎవరూ లేని సమయంలో బాలిక ఉరి వేసుకుని ఆత్మహత్య చేసుకుంది.
తన మరణానికి తన తల్లిని ఎవరూ నిందించకూడదని ఆ లేఖలో ఆ బాలిక ఎంతో బాధతో కోరింది. “నాకు ఇంట్లో ఎటువంటి ఇబ్బందులు లేవు, పాఠశాలలో ఉపాధ్యాయులు పెట్టిన తీవ్రమైన మానసిక వేధనే నా చావుకు కారణం” అని బాధిత విద్యార్థిని తల్లి పోలీసులకు ఇచ్చిన వాంగ్మూలంలో కన్నీరుమున్నీరయ్యారు.
ఈ ఘటనపై పోలీసులు కేసు నమోదు చేసి, ఆ విద్యార్థిని రాసిన సూసైడ్ నోట్ను స్వాధీనం చేసుకున్నారు. పాఠశాల ఉపాధ్యాయులపై వచ్చిన ఆరోపణల నేపథ్యంలో పోలీసులు ప్రస్తుతం విచారణ వేగవంతం చేశారు.