న్యూఢిల్లీ: ప్రముఖ రాజకీయ వ్యూహకర్త, సీనియర్ నాయకుడు కె.సి. త్యాగికి సంబంధించి ఒక పెద్ద వార్త వెలుగులోకి వచ్చింది. ఇటీవల నితీష్ కుమార్ రాజ్యసభకు వెళ్తున్నారనే వార్తల నడుమ జేడీయూ (JDU)తో తెగతెంపులు చేసుకున్న త్యాగి, ఇప్పుడు తన తదుపరి రాజకీయ ప్రయాణాన్ని ఖరారు చేశారు. ఆర్ఎల్డీ (RLD) అధినేత, కేంద్ర మంత్రి జయంత్ చౌదరి సమక్షంలో ఆయన ఆ పార్టీ సభ్యత్వాన్ని స్వీకరించారు.
నితీష్ కుమార్ పై గౌరవం తగ్గలేదు: గతంలో బీహార్‌లోని అధికార పార్టీ జేడీయూలో కీలక నేతగా ఉన్న కె.సి. త్యాగి, ఆ పార్టీలో ప్రధాన కార్యదర్శి, ముఖ్య ప్రతిప్రతినిధి మరియు రాజకీయ సలహాదారు వంటి వివిధ బాధ్యతలను నిర్వహించారు. పార్టీని వీడే సమయంలో ఆయన నితీష్ కుమార్‌పై ఆసక్తికర వ్యాఖ్యలు చేశారు. “దాదాపు అర్ధ శతాబ్ద కాలంగా నా సహచరుడిగా ఉన్న నితీష్ కుమార్ పట్ల నా వ్యక్తిగత గౌరవం ఎప్పటికీ మారదు” అని ఆయన స్పష్టం చేశారు.
ఎవరీ కె.సి. త్యాగి? కె.సి. త్యాగి పూర్తి పేరు కిషన్ చంద్ త్యాగి. ఉత్తరప్రదేశ్‌లోని ఘజియాబాద్‌లో జన్మించిన ఆయనకు సుదీర్ఘ రాజకీయ చరిత్ర ఉంది.
- 1970వ దశకం నుండి రాజకీయాల్లో చురుగ్గా ఉన్న ఆయన, 1989లో యూపీలోని హాపూర్ లోక్‌సభ నియోజకవర్గం నుండి ఎంపీగా ఎన్నికయ్యారు.
- సమాజ్ వాదీ పార్టీ జాతీయ ప్రధాన కార్యదర్శిగా, జేడీయూ జాతీయ అధికార ప్రతినిధిగా పనిచేశారు.
- 2013లో రాజ్యసభకు ఎన్నికయ్యారు. మూడుసార్లు జేడీయూ జాతీయ ప్రధాన కార్యదర్శిగా బాధ్యతలు చేపట్టారు.
- 2024లో వ్యక్తిగత కారణాలతో జేడీయూ ముఖ్య ప్రతినిధి పదవికి రాజీనామా చేసిన ఆయన, ఇప్పుడు ఆర్ఎల్డీతో తన కొత్త రాజకీయ ఇన్నింగ్స్‌ను ప్రారంభించబోతున్నారు.