ముంబై: ప్రముఖ ఓటీటీ సంస్థ ‘అమెజాన్ ప్రైమ్ వీడియో’ (Amazon Prime Video) సోషల్ అండ్ పబ్లిషింగ్ హెడ్ పవిషా జైన్ లింక్డ్ఇన్ (LinkedIn) వేదికగా పంచుకున్న ఒక పోస్ట్ ప్రస్తుతం ఇంటర్నెట్లో విపరీతంగా వైరల్ అవుతోంది. ఉద్యోగ ఇంటర్వ్యూకి వచ్చిన ఒక యువతి.. ఆమె వేసుకున్న టీ-షర్ట్పై ఉన్న ఒక వివాదాస్పద వ్యాఖ్య కారణంగా ఇంటర్వ్యూ ప్రారంభం కాకముందే తిరస్కరణకు గురైంది.
ఆ యువతికి మంచి పని అనుభవం (Work Experience) ఉండటమే కాకుండా, సోషల్ మీడియాలో 50 వేల కంటే ఎక్కువ మంది ఫాలోవర్లు కూడా ఉన్నారు. ఉద్యోగానికి అన్ని అర్హతలు ఉన్నప్పటికీ.. పవిషా జైన్ ఇంటర్వ్యూ మొదలుపెట్టకముందే ఆమెను రిజెక్ట్ చేశారు.
తిరస్కరించడానికి గల అసలు కారణం:
ఆ యువతి ఇంటర్వ్యూకి వచ్చేటప్పుడు ధరించిన టీ-షర్ట్పై “నేను పని చేయడానికి నా అర్హత కంటే చాలా అందమైనదానిని/ఉత్తమమైనదానిని” (I’m too pretty/good to work) అనే అర్ధమొచ్చేలా ఒక స్లోగన్ ముద్రించి ఉంది. ఈ నిర్ణయంపై పవిషా జైన్ స్పందిస్తూ.. “ఇది కేవలం కఠినమైన డ్రెస్ కోడ్కు సంబంధించిన విషయం కాదు. మనం ఏ ప్రదేశంలో ఉన్నాం, అక్కడి వాతావరణం, సందర్భం ఏంటనేది అర్థం చేసుకోవడానికి సంబంధించినది” అని స్పష్టం చేశారు.
సందర్భోచిత దుస్తుల ప్రాధాన్యత:
మనం పెళ్లిళ్లకు స్విమ్ సూట్ (ఈత దుస్తులు) వేసుకుని లేదా జిమ్కి టక్సేడో (కోట్ సూట్) వేసుకుని వెళ్ళం కదా.. అలాగే మనం ఇంటర్వ్యూలకు వచ్చేటప్పుడు వేసుకునే దుస్తులు కూడా మన వ్యక్తిత్వాన్ని, మన ఆలోచనా విధానాన్ని ప్రతిబింబిస్తాయని ఆమె పేర్కొన్నారు.
సాధారణంగా ఒక ఇంటర్వ్యూలో మన గురించి అవతలి వారికి తెలియజేయడానికి కేవలం 30 నిమిషాల సమయం మాత్రమే ఉంటుంది. అలాంటి తక్కువ సమయంలో, ఆ యువతి తన టీ-షర్ట్ ద్వారా తనకు ఈ ఉద్యోగం పట్ల పెద్దగా ఆసక్తి లేదనే భావనను పరోక్షంగా వ్యక్తం చేసిందని పవిషా అభిప్రాయపడ్డారు. అందుకే ఆమెను ఇంటర్వ్యూ నుంచే పంపించేయాల్సి వచ్చింది. ఈ ఘటన ప్రస్తుతం ఉద్యోగ ఇంటర్వ్యూలలో సరైన దుస్తుల ఎంపిక మరియు వృత్తిపరమైన ప్రవర్తన (Professional Etiquette) యొక్క ప్రాముఖ్యతపై ఇంటర్నెట్లో ఒక పెద్ద చర్చకు దారితీసింది.
Leave a Reply