లోన్ తీసుకోవడం సులభమే, కానీ తిరిగి చెల్లించడం చాలా కష్టం. కొన్నిసార్లు ఈ లోన్ సమస్య జీవితాన్ని ఊహించని మలుపు తిప్పుతుంది. బీహార్లో జరిగిన ఒక వింత ఘటన ఇప్పుడు చర్చనీయాంశమైంది.
లోన్ వసూలు నుండి ప్రేమ వరకు: బీహార్లోని శివనగర్లో సందీప్ మిశ్రా అనే యువకుడు ఒక ఫైనాన్స్ కంపెనీలో రికవరీ ఏజెంట్గా పనిచేసేవాడు. ఒక మహిళ తీసుకున్న లోన్ వసూలు కోసం అతను ఆమె ఇంటికి తరచుగా వెళ్లేవాడు. ఆర్థిక ఇబ్బందుల వల్ల ఆ మహిళ వాయిదాలు కట్టలేకపోవడంతో, సందీప్ తరచుగా రావాల్సి వచ్చేది. ఈ క్రమంలో ఆమెతో పరిచయం ఏర్పడింది. అయితే, ఆ మహిళ సందీప్ను ఇంటికి రావద్దని వారించింది. కానీ, సందీప్ వెనక్కి తగ్గకుండా, ఆ మహిళ కూతురు నేహా ఫోన్ నంబర్ సేకరించి ఆమెతో మాట్లాడటం మొదలుపెట్టాడు. లోన్ విషయంతో మొదలైన వారి సంభాషణ, క్రమంగా ప్రేమగా మారింది.
పెళ్లి హామీ.. ఆపై మోసం: సందీప్ తనను పెళ్లి చేసుకుంటానని నమ్మించి, తనతో పాటు పాట్నాకు తీసుకెళ్లాడు. అక్కడకు వెళ్ళాక పెళ్లికి నిరాకరించడంతో, బాధితురాలు నేరుగా పోలీస్ స్టేషన్ను ఆశ్రయించింది. పోలీసులు ఇద్దరినీ పిలిపించి, ఇరు కుటుంబాల సమక్షంలో ఒక ఆలయంలో వారికి వివాహం జరిపించారు.
బీహార్ నుండి మరో వింత కథ: బీహార్లోని మధుపూర్ గ్రామంలో ఒక ప్రేమికుడు తన ప్రేమికురాలిని కలవడానికి ఒక వినూత్న మార్గాన్ని ఎంచుకున్నాడు. ప్రతిరోజూ రాత్రి పూట గ్రామంలోని విద్యుత్ సరఫరాను కావాలని నిలిపివేసి, చీకటిలో తన ప్రేమికురాలిని కలిసేవాడు. గ్రామస్థులు ఈ విషయాన్ని కనిపెట్టి, అతనికి తల గుండు చేయించి, చెప్పుల దండ వేసి ఊరేగించారు. అయితే, చివరకు గ్రామస్థుల సమక్షంలోనే వారిద్దరికీ వివాహం జరిపించడం విశేషం.