ఇరాన్-ఇజ్రాయెల్ యుద్ధం: భారత్ మరియు ఇజ్రాయెల్‌తో సంబంధం ఉన్న హైఫాలోని అతిపెద్ద ఆయిల్ రిఫైనరీపై ఇరాన్ మిసైళ్లతో విరుచుకుపడింది. ఈ దాడి వల్ల ఇజ్రాయెల్‌కు భారీ ఆర్థిక మరియు రక్షణ పరమైన నష్టం వాటిల్లే అవకాశం ఉంది.
శనివారం నాడు ‘ఖైబర్ షెకన్’ (Khebar Shekan) సాలిడ్-ఫ్యూయల్ బాలిస్టిక్ మిసైళ్లను ఉపయోగించి హైఫా బేలోని ‘బాజాన్ గ్రూప్’ (Bazan Group) ఆయిల్ రిఫైనరీని లక్ష్యంగా చేసుకున్నట్లు ఇరాన్ రివల్యూషనరీ గార్డ్ కార్ప్స్ (IRGC) ప్రకటించింది. ఇరాన్ ఇంధన రంగంపై ఇటీవల జరిగిన అమెరికా-ఇజ్రాయెల్ దాడులకు ప్రతికారంగానే ఈ చర్య తీసుకున్నట్లు IRGC తెలిపింది.
తెహ్రాన్ టైమ్స్ మరియు RT ఈ దాడులకు సంబంధించిన వీడియోలను షేర్ చేశాయి. ఇరాన్ ఆయిల్ స్టోరేజ్ ఇన్‌ఫ్రాస్ట్రక్చర్‌పై జరిగిన దాడులకు సమాధానంగానే రిఫైనరీపై మిసైల్ దాడి చేసినట్లు ఇరాన్ అధికారులు వెల్లడించారు.
హైఫా బేలో ఉన్న ఈ బాజాన్ గ్రూప్ రిఫైనరీ, ఇజ్రాయెల్‌లోనే అతిపెద్ద చమురు శుద్ధి కేంద్రం. ఇది ఇజ్రాయెల్ దేశీయ ఇంధన అవసరాల్లో సుమారు 50 నుండి 60 శాతం వరకు సరఫరా చేస్తుంది. గతంలో జూన్ 2025లో జరిగిన దాడిలో కూడా ముగ్గురు కార్మికులు మరణించగా, అనేక మంది గాయపడ్డారు. అమెరికా మరియు ఇజ్రాయెల్ దాడులకు తాము లొంగిపోబోమని, గట్టిగా బదులిస్తామని ఇరాన్ అధ్యక్షుడు స్పష్టం చేశారు.