అయతొల్లా అలీ ఖమేనీ మరణం తర్వాత కొత్త నాయకుడిని ఎన్నుకోవడానికి ఇరాన్ అధికారులు నిర్వహించిన సమావేశంపై ఇజ్రాయెల్ దాడి చేసింది. టెహ్రాన్కు దక్షిణాన ఉన్న ‘కోమ్’ (Qom) నగరంలోని ‘అసెంబ్లీ ఆఫ్ ఎక్స్పర్ట్స్’ (నిపుణుల సభ) భవనాన్ని ఇజ్రాయెల్ ధ్వంసం చేసినట్లు వీడియోలు వెలువడ్డాయి.
కుటుంబంతో సహా ఖమేనీ మరణం?: అణు ఒప్పందంపై సంతకం చేయని కారణంగా అమెరికా-ఇజ్రాయెల్ కూటమి ఇరాన్పై యుద్ధం ప్రకటించాయి. ఈ దాడుల్లో అలీ ఖమేనీతో పాటు ఆయన భార్య, కుమార్తె, మనవళ్లు మరియు ఇతర కుటుంబ సభ్యులు, ఉన్నత స్థాయి సైనిక అధికారులు మరణించినట్లు నివేదిక పేర్కొంటోంది.
ఇరాన్ ప్రతీకారం: దీనికి ప్రతిగా ఇరాన్.. ఇజ్రాయెల్ ప్రధాని కార్యాలయంపై, గల్ఫ్ దేశాల్లోని 27 అమెరికా సైనిక స్థావరాలపై క్షిపణులతో విరుచుకుపడుతోంది. కువైట్, జోర్డాన్లోని అమెరికా రాయబార కార్యాలయాలపై కూడా దాడులు జరిగాయి. కువైట్లో 3 అమెరికా యుద్ధ విమానాలను కూల్చివేసినట్లు, ఈ దాడుల్లో 6 గురు అమెరికా సైనికులు మరణించినట్లు సమాచారం.
కొత్త నాయకుడి ఎంపికలో అడ్డంకులు: ఇరాన్ రాజ్యాంగం ప్రకారం అత్యున్నత నాయకుడి పదవి ఖాళీ అయితే 50 రోజుల్లోపు కొత్త వారిని ఎన్నుకోవాలి. ఈ బాధ్యత 88 మంది షియా మతగురువులతో కూడిన ‘నిపుణుల కమిటీ’పై ఉంటుంది. ఈ కమిటీ సమావేశం అవుతుండగానే ఇజ్రాయెల్ దాడి చేయడంతో పరిస్థితి మరింత ఉద్రిక్తంగా మారింది. ప్రస్తుతం అయతొల్లా అలీ రేజా అరాఫీని తాత్కాలిక అత్యున్నత నాయకుడిగా నియమించినట్లు తెలుస్తోంది.
Leave a Reply