ఎంత దారుణం.. క్లాస్‌రూమ్‌లోనే మహిళా టీచర్‌పై విద్యార్థుల దాడి! పశ్చిమ బెంగాల్‌లో ఒళ్లు గగుర్పొడిచే ఘటన!

పశ్చిమ బెంగాల్‌లోని మాల్దా జిల్లాలో ఉన్న ఒక పాఠశాలలో మహిళా ఉపాధ్యాయురాలిపై కొందరు విద్యార్థులు విచక్షణారహితంగా దాడికి తెగబడిన ఘటన తీవ్ర దిగ్భ్రాంతిని కలిగించింది.

సోషల్ మీడియాలో వైరల్ అవుతున్న వీడియోలో, తరగతి గదిలోనే కొందరు విద్యార్థులు గుంపుగా చేరి ఆ మహిళా టీచర్‌పై ఏమాత్రం కనికరం లేకుండా దాడి చేస్తున్న దృశ్యాలు రికార్డయ్యాయి. ఈ దారుణం విద్యా రంగంలోనూ, ప్రజల్లోనూ తీవ్ర ఆగ్రహావేశాలకు దారితీసింది.

ఈ దాడి ఘటనపై స్థానిక పోలీసులు తక్షణమే కేసు నమోదు చేసుకుని దర్యాప్తు ప్రారంభించారు. దాడికి పాల్పడిన విద్యార్థులను గుర్తించే ప్రక్రియను వేగవంతం చేశామని, వారిపై కఠిన చట్టపరమైన చర్యలు తీసుకుంటామని పోలీసులు స్పష్టం చేశారు.

ఉపాధ్యాయురాలిపై జరిగిన ఈ దాడిని పలు వర్గాల ప్రజలు తీవ్రంగా ఖండిస్తున్నారు. పాఠశాలల్లో ఉపాధ్యాయుల భద్రతను పటిష్టం చేయాలని, తరగతి గదుల్లో క్రమశిక్షణను కాపాడేందుకు ఇలాంటి అకృత్యాలకు పాల్పడే విద్యార్థులపై కఠిన చర్యలు తీసుకోవాలని డిమాండ్లు వెల్లువెత్తుతున్నాయి.