ఈజిప్ట్ జాతీయ ఫుట్బాల్ జట్టు ప్రధాన కోచ్ (హెడ్ కోచ్) హోసం హసన్ బస చేసిన పోర్టో మెరీనా రిసార్ట్లో, ఆయన ఇద్దరు భార్యల మధ్య జరిగిన తీవ్ర వివాదం రచ్చరచ్చగా మారింది.
ఈజిప్ట్ ఉత్తర తీర ప్రాంతంలోని పోర్టో మెరీనా రిసార్ట్ రెస్టారెంట్లో.. హోసం హసన్ మొదటి భార్య హొవైదా అల్-గర్బావి, రెండో భార్య దీనా ముస్తఫా మధ్య మాటల యుద్ధం మొదలైంది. కొద్దిసేపటికే అది తీవ్రమై ఒకరి జుట్టు మరొకరు పట్టుకుని కొట్టుకునే స్థాయికి చేరింది.
ఆపబోయి స్పృహతప్పిన కోచ్:
ఇద్దరు భార్యల మధ్య జరుగుతున్న ఘర్షణను ఆపేందుకు హోసం హసన్ తీవ్రంగా ప్రయత్నించారు. అయితే, ఆ సమయంలో కలిగిన విపరీతమైన మానసిక ఒత్తిడి, ఆందోళన కారణంగా ఆయన అకస్మాత్తుగా కుప్పకూలి స్పృహతప్పి పడిపోయారు.
రిసార్ట్ భద్రతా సిబ్బంది, కుటుంబ సభ్యులు వారిని విడదీసేందుకు ప్రయత్నించినప్పటికీ గొడవ సద్దుమణగకపోవడంతో చివరకు పోలీసులు రంగంలోకి దిగి పరిస్థితిని అదుపులోకి తెచ్చారు.
ఆసుపత్రికి తరలింపు:
స్పృహతప్పి పడిపోయిన హోసం హసన్ను సిబ్బంది వెంటనే సమీపంలోని ఆసుపత్రికి తరలించి అత్యవసర చికిత్స అందించారు. ప్రస్తుతం ఆయన ఆరోగ్యం నిలకడగా ఉందని, ప్రమాదం ఏమీ లేదని వైద్యులు తెలిపారు.
ఈజిప్ట్ హెడ్ కోచ్ ఇద్దరు భార్యలు బాహాబాహీకి దిగిన ఈ దృశ్యాలకు సంబంధించిన వీడియో సోషల్ మీడియాలో విపరీతంగా వైరల్ అవుతోంది.