ఇంగ్లాండ్‌కు చెందిన ఒక 30 ఏళ్ల మహిళ, తీవ్రమైన మానసిక ఒత్తిడిని ఇచ్చే న్యాయవాది (లాయర్) ఉద్యోగాన్ని వదిలేసి, కుక్కలను వాకింగ్‌కు తీసుకెళ్లే వ్యాపారాన్ని ప్రారంభించి, ఇప్పుడు అంతకంటే విపరీతమైన ఆదాయాన్ని గడిస్తోంది.
వెస్ట్ సస్సెక్స్ ప్రాంతానికి చెందిన లిజ్ ఈస్ట్ (Liz East) అనే మహిళ గతంలో క్రిమినల్ లాయర్‌గా పనిచేసేది. ప్రతిరోజూ 12 గంటలకు పైగా పనిభారం, సుదీర్ఘ ప్రయాణాలు మరియు తీవ్రమైన మానసిక ఒత్తిడి కారణంగా ఆ ఉద్యోగాన్ని వదిలేయాలని నిర్ణయించుకుంది.
జంతువులపై ఉన్న అపారమైన ప్రేమతో, ఆమె పూర్తిస్థాయి డాగ్ వాకర్‌గా (Dog Walker) తన కొత్త వృత్తిని ప్రారంభించింది. ఇప్పుడు ఆమె రోజుకు 20 నుండి 30 కుక్కలను వాకింగ్‌కు తీసుకెళ్తోంది.
దీని ద్వారా రోజుకు దాదాపు రూ. 50,000 వరకు సంపాదిస్తున్న ఆమె, లాయర్ ఉద్యోగంలో కష్టపడిన సమయంలో సగం మాత్రమే ఇప్పుడు కష్టపడుతోంది. విశేషమేమిటంటే ఈమె భర్త కూడా ఇదే వ్యాపారంలో ఉన్నాడు.
ఒక కుక్కకు గంటకు దాదాపు రూ. 1,800 వరకు ఛార్జ్ చేసే ఆమె, “మీకు నచ్చని ఉద్యోగంలో ఉంటూ బాధపడకండి, జీవితం చాలా చిన్నది” అని యువతకు స్ఫూర్తినిస్తోంది.
Leave a Reply