ఢిల్లీ: సోషల్ మీడియా కంటెంట్ క్రియేటర్ మహక్ తమేజా, తన ప్రయాణంలో కలిసిన ‘సమేలి హాల్దార్’ అనే ఉబెర్ మహిళా డ్రైవర్ యొక్క స్ఫూర్తిదాయకమైన కథనాన్ని వీడియో రూపంలో పంచుకున్నారు.
గడిచిన 7 ఏళ్లలో 6,000కు పైగా రైడ్లను విజయవంతంగా పూర్తి చేసి, 4.8 స్టార్ రేటింగ్తో సమేలి ఈ రంగంలో తనకంటూ ఒక ప్రత్యేక గుర్తింపును సాధించారు. మొదట్లో ఈ వృత్తిని చేపట్టడాన్ని ఆమె భర్త, కుటుంబ సభ్యులు తీవ్రంగా వ్యతిరేకించారు.
అయితే, తన పట్టుదలతో అందరినీ ఒప్పించిన సమేలి, తన కుటుంబంలోనే మొదటి డ్రైవింగ్ లైసెన్స్ పొందిన వ్యక్తిగా నిలిచారు. ఇప్పుడు ఆమె కుటుంబ సభ్యులు సమేలిని చూసి గర్విస్తున్నారు.
మహిళలకు అంత సురక్షితం కాని ఢిల్లీ-ఎన్సిఆర్ ప్రాంతంలో ఒక మహిళా డ్రైవర్గా పనిచేయడం ఆమెకు ఏమాత్రం సులభం కాదు. ప్రయాణికుల నుండి, అపరిచితుల నుండి ఎదురయ్యే చులకన భావాన్ని, రక్షణపరమైన సవాళ్లను ఆమె ధైర్యంగా ఎదుర్కొంటున్నారు.
తన భద్రతను దృష్టిలో ఉంచుకుని, ఆమె ఉదయం 8 గంటల నుండి రాత్రి 10 గంటల వరకు మాత్రమే కారు నడుపుతున్నారు. ఈ ధైర్యవంతురాలైన మహిళను ప్రశంసిస్తూ, “దీదీ, మీరు నిజంగా ఒక స్ఫూర్తి” అని మహక్ తమేజా పేర్కొన్నారు. ఈ వీడియో సోషల్ మీడియాలో వైరల్ అవుతుండటంతో, “పాతకాలపు ఆలోచనలను పటాపంచలు చేసి విజయం సాధిస్తున్న మహిళలకు అభినందనలు” అంటూ నెటిజన్లు సమేలి సంకల్ప బలాన్ని కొనియాడుతున్నారు.