ఐపీఎల్ 2026: గుజరాత్‌పై ముంబై భారీ విజయం.. పాయింట్ల పట్టికలో అనూహ్య మార్పులు!

ఐపీఎల్ 2026 లీగ్ దశలో భాగంగా సోమవారం (ఏప్రిల్ 20) రాత్రి 30వ మ్యాచ్ జరిగింది. అహ్మదాబాద్‌లోని నరేంద్ర మోదీ స్టేడియంలో జరిగిన ఈ పోరులో ముంబై ఇండియన్స్ (MI) మరియు గుజరాత్ టైటాన్స్ (GT) తలపడ్డాయి.

ఈ మ్యాచ్‌లో మొదట బ్యాటింగ్ చేసిన ముంబై 199 పరుగులు చేయగా, లక్ష్య ఛేదనలో గుజరాత్ కేవలం 100 పరుగులకే కుప్పకూలింది. ఈ భారీ విజయంతో ముంబై ఇండియన్స్ పాయింట్ల పట్టికలో ఏకంగా మూడు జట్లను వెనక్కి నెట్టింది.

ముంబై ఇండియన్స్ జైత్రయాత్ర:

గుజరాత్ టైటాన్స్‌తో మ్యాచ్‌కు ముందు ముంబై ఇండియన్స్ కేవలం 1 పాయింట్ మరియు -1.081 నెట్ రన్‌రేట్‌తో పట్టికలో చివరి స్థానంలో ఉంది. కానీ, ఇప్పుడు 99 పరుగుల భారీ తేడాతో గెలవడంతో ముంబై నెట్ రన్‌రేట్ నెగటివ్ నుండి పాజిటివ్ (+0.067) కి చేరుకుంది. 4 పాయింట్లతో ముంబై ఇప్పుడు చెన్నై సూపర్ కింగ్స్, లక్నో సూపర్ జెయింట్స్ మరియు కోల్‌కతా నైట్ రైడర్స్‌ను వెనక్కి నెట్టి 7వ స్థానానికి చేరుకుంది.

మరోవైపు గుజరాత్ ఈ ఓటమితో 6వ స్థానానికి పడిపోయింది. ప్రస్తుతం పంజాబ్ కింగ్స్ ఒక్క ఓటమి కూడా లేకుండా పట్టికలో అగ్రస్థానంలో కొనసాగుతుండగా, ఆర్‌సీబీ మరియు రాజస్థాన్ వరుసగా రెండు, మూడు స్థానాల్లో ఉన్నాయి.

ఐపీఎల్ 2026 పాయింట్ల పట్టిక:

మ్యాచ్ విశేషాలు:

టాస్ గెలిచిన గుజరాత్ కెప్టెన్ శుభ్‌మన్ గిల్ మొదట బౌలింగ్ ఎంచుకున్నాడు. ముంబై ఆరంభం ఆశాజనకంగా లేదు. ఓపెనర్ క్వింటన్ డికాక్ (13), సూర్యకుమార్ యాదవ్ (15) తక్కువ పరుగులకే అవుట్ అయ్యారు. అయితే, తిలక్ వర్మ అద్భుత ఇన్నింగ్స్ ఆడాడు. కేవలం 42 బంతుల్లో 8 ఫోర్లు, 7 సిక్సర్లతో 101 పరుగులు చేసి అజేయంగా నిలిచాడు. దీంతో ముంబై 20 ఓవర్లలో 199 పరుగులు చేసింది.

అనంతరం 200 పరుగుల లక్ష్యంతో బరిలోకి దిగిన గుజరాత్ టైటాన్స్.. ముంబై బౌలర్ల ధాటికి వణికిపోయింది. జస్ప్రీత్ బుమ్రా ఇన్నింగ్స్ మొదటి బంతికే సాయి సుదర్శన్‌ను అవుట్ చేసి షాక్ ఇచ్చాడు. వాషింగ్టన్ సుందర్ (26) మాత్రమే కాస్త పోరాడాడు. అశ్విని కుమార్ 4 వికెట్లతో చెలరేగడంతో గుజరాత్ 15.5 ఓవర్లలో 100 పరుగులకే ఆలౌట్ అయింది.