ముంబై: ఇండియన్ ప్రీమియర్ లీగ్ (IPL) అంటేనే కాసుల వర్షం. ఇక్కడ ప్రతిభ ఉన్న కుర్రాళ్లకు రాత్రికి రాత్రే కోటీశ్వరులయ్యే అవకాశం ఉంటుంది. ముఖ్యంగా దేశవాళీ క్రికెట్‌లో అదరగొట్టే అన్‌క్యాప్డ్ ప్లేయర్స్ (ఇంకా అంతర్జాతీయ అరంగేట్రం చేయని వారు) కోసం ఫ్రాంచైజీలు కోట్ల రూపాయలు కుమ్మరిస్తుంటాయి. అయితే, కొందరు ఆటగాళ్లు ఆ భారీ ధర స్థాయికి తగ్గట్టుగా రాణించలేక జట్లకు భారంగా మారుతున్నారు. ఈ జాబితాలో అందరికంటే ముందు వినిపిస్తున్న పేరు షాారుఖ్ ఖాన్.
ఆరు సీజన్లు.. రూ. 38.65 కోట్ల ఆదాయం!
తమిళనాడుకు చెందిన పవర్‌ హిట్టర్ షారుఖ్ ఖాన్‌పై ఐపీఎల్ జట్లు గత ఆరు సీజన్లుగా కాసుల వర్షం కురిపిస్తూనే ఉన్నాయి. కానీ, అతని బ్యాట్ నుండి ఆశించిన స్థాయిలో మెరుపులు మాత్రం రావడం లేదు.
- పంజాబ్ కింగ్స్ పందెం: 2021లో పంజాబ్ కింగ్స్ ఇతనిని రూ. 5.25 కోట్లకు కొనుగోలు చేసింది. ఆ తర్వాత 2022లో ఏకంగా రూ. 9 కోట్లు వెచ్చించి మరీ జట్టులోకి తీసుకుంది. 2023లోనూ అదే ధరకు కొనసాగించింది.
- గుజరాత్ టైటాన్స్ ఎంట్రీ: మూడు సీజన్లలో పంజాబ్ తరపున కనీసం 500 పరుగులు కూడా చేయకపోవడంతో అతడిని వదిలేశారు. కానీ, 2024 వేలంలో గుజరాత్ టైటాన్స్ రూ. 7.4 కోట్లకు దక్కించుకుంది.
- ప్రస్తుత స్థితి: 2025 మరియు 2026 సీజన్లలో గుజరాత్ అతడిని రూ. 4 కోట్లకు రిటైన్ చేసుకుంది. ఇలా గత ఆరేళ్లలో షారుఖ్ ఖాన్ సుమారు రూ. 38.65 కోట్లు సంపాదించాడు.
గణాంకాలు చూస్తే మైండ్ బ్లాక్ అవ్వాల్సిందే!
భారీ ధర పలుకుతున్న ఈ ‘బిగ్ హిట్టర్’ అసలు ప్రదర్శన ఎలా ఉందో ఒక్కసారి పరిశీలిస్తే:
- ఆడిన మ్యాచ్‌లు: 57
- చేసిన పరుగులు: 747
- సగటు (Average): కేవలం 20.75
- స్ట్రైక్ రేట్: ఆశించిన స్థాయిలో లేదు.
ఫినిషర్‌గా, భారీ షాట్లు ఆడే ఆటగాడిగా జట్లు ఇతనిపై కోట్లు కుమ్మరిస్తున్నా.. ఇప్పటికీ ఐపీఎల్ వంటి పెద్ద వేదికపై షారుఖ్ ఖాన్ తన మార్క్ చూపించలేకపోతున్నాడు. ఆరు సీజన్లలో కనీసం 1000 పరుగులు కూడా చేయలేకపోవడం గమనార్హం.