“ఒక్కసారిగా నియంత్రణ కోల్పోయిన సైనిక విమానం”.. లెఫ్టినెంట్ జనరల్ సహా 14 మంది మృతి.. విషాదంలో కాంగో దేశం!

కాంగో దేశంలోని కెంగే ప్రాంతంలో ఓ సైనిక విమానం ప్రమాదానికి గురైన ఘటనలో, ఉన్నత స్థాయి ఆర్మీ అధికారులతో సహా కనీసం 14 మంది ప్రాణాలు కోల్పోయారు.

కిక్విట్ ప్రాంతం నుండి దేశ రాజధాని కిన్షాసాకు బయలుదేరి వెళ్తుండగా, ఊహించని విధంగా ఈ ఘోర ప్రమాదం జరిగింది.

విమానం ఆకాశంలో ఎగురుతున్న సమయంలోనే అందులో ఒక్కసారిగా సాంకేతిక లోపం తలెత్తినట్లు తెలుస్తోంది. ఈ కారణంగా పైலట్ నియంత్రణ కోల్పోయిన ఆ విమానం, కెంగే ప్రాంతంలో అదుపుతప్పి కిందపడి కుప్పకూలింది. ఇందులో ప్రయాణిస్తున్న వారంతా ఘటనా స్థలంలోనే మృతి చెందారు.

మృతులలో కాంగో సైన్యానికి చెందిన ఉన్నతాధికారులు లెఫ్టినెంట్ జనరల్ ముటోంబో కటాలయి తియాండే, లెఫ్టినెంట్ జనరల్ బకుమి లికులియా కూడా ఉండటం గమనార్హం. ఈ విషాద ఘటన కాంగో సైనిక వర్గాల్లోనూ, ఆ దేశ ప్రజల్లోనూ తీవ్ర దిగ్భ్రాంతిని, విషాదాన్ని నింపింది.