అమెరికాలోని న్యూయార్క్ నగర వీధుల్లో కేవలం మనుషుల తలవెంట్రుకలతో తయారు చేసిన ఒక భారీ బంతిని రోడ్డుపై దొర్లించుకుంటూ తీసుకెళ్లిన వింత సంఘటన నెటిజన్ల దృష్టిని విశేషంగా ఆకర్షించింది.
దాదాపు 68 కిలోల బరువు, 10 అడుగుల ఎత్తు ఉన్న ఈ భారీ హెయిర్ బాల్ను న్యూయార్క్లోని రద్దీగా ఉండే ప్రధాన రహదారులపై జనం మధ్యలో నుంచి జాగ్రత్తగా రోల్ చేసుకుంటూ తీసుకెళ్లారు. ఈ వింత దృశ్యాన్ని చూసిన పాదచారులు, వాహనదారులు ఆశ్చర్యపోతూ తమ మొబైల్ ఫోన్లలో వీడియోలు రికార్డ్ చేశారు.
ప్రస్తుత రోజుల్లో స్త్రీ, పురుషులు అనే తేడా లేకుండా ప్రతి ఒక్కరినీ తీవ్రంగా వేధిస్తున్న జుట్టు రాలడం మరియు హెయిర్ లాస్ సమస్యలపై ప్రజల్లో అవగాహన కల్పించేందుకే ఈ వినూత్న ప్రచారాన్ని చేపట్టారు. ప్రముఖ హెయిర్ కేర్ బ్రాండ్ ‘K18’ మరియు ‘అన్కామన్ క్రియేటివ్ స్టూడియో’ కలిసి ఈ వినూత్న అవేర్నెస్ క్యాంపెయిన్ను నిర్వహించాయి.
సాదాసీదా ఫ్లెక్సీలు, బ్యానర్లతో ప్రచారం చేయకుండా.. రాలిపోయిన సహజమైన వెంట్రుకలతో ఇంత పెద్ద బంతిని రూపొందించి వీధుల్లో తిప్పిన ఈ సరికొత్త మార్కెటింగ్ ఐడియా ప్రస్తుతం సోషల్ మీడియాలో విపరీతంగా వైరల్ అవుతోంది.