మొరాదాబాద్: ఉత్తరప్రదేశ్ రాష్ట్రం మొరాదాబాద్ నగరంలో కన్నతల్లే తన పసిబిడ్డను వదిలేసి ప్రియుడితో పారిపోయిన దిగ్భ్రాంతికర ఘటన స్థానికంగా తీవ్ర కలకలం రేపింది.
మజోలా ప్రాంతానికి చెందిన ఆకాష్ కాశ్యప్ భార్య దీపా.. జూన్ 15వ తేదీన తన 14 నెలల చిన్నారి సృష్టిని పక్కింటి వారి వద్ద వదిలిపెట్టింది.
ఆ సమయంలో.. తన ప్రభుత్వ గుర్తింపు కార్డు (ఐడీ కార్డ్) లో సవరణలు (కరెక్షన్స్) చేయించడానికి వెళ్తున్నానని చెప్పి వెళ్లిన ఆమె, ఆ తర్వాత ఎంతకూ ఇంటికి తిరిగి రాలేదు. దీంతో అనుమానం వచ్చి విచారించగా.. ఆమె దేవేంద్ర సైనీ అనే వ్యక్తితో కలిసి ఇల్లు వదిలి పారిపోయినట్లు వెలుగుచూసింది. కేవలం బిడ్డను మాత్రమే వదిలేయకుండా, దీపా ఇంట్లో ఉన్న విలువైన బంగారు ఆభరణాలను, నగదును కూడా దొంగిలించుకుని పోయింది.
అంతకంటే ఘోరమైన విషయం ఏంటంటే.. తన పసిబిడ్డ కోసం రూపాయి రూపాయి కూడబెట్టి దాచుకున్న ఉండిని పగలగొట్టి, అందులో ఉన్న సుమారు రూ.45,000 నగదును కూడా ఆమె తీసుకుని పారిపోయింది. ఈ దారుణంతో దిగ్భ్రాంతికి లోనైన భర్త ఆకాష్.. తన చిన్నారితో కలిసి మొరాదాబాద్ సీనియర్ పోలీస్ సూపరింటెండెంట్ (SSP) కార్యాలయానికి వెళ్లి కన్నీరుమున్నీరవుతూ ఫిర్యాదు చేశాడు.