రైలులో సాధారణ టికెట్ తనిఖీలు జరుగుతున్న సమయంలో.. సరైన టికెట్ లేకుండా ప్రయాణిస్తున్న ‘రాధికా తివారీ’ అనే మహిళను TTE టికెట్ చూపించాలని కోరారు.
అయితే టికెట్‌కు సంబంధించిన రుసుము చెల్లించేందుకు ఆమె నిరాకరించినట్లు సమాచారం. అంతేకాకుండా.. తన సోదరుడు రైల్వే శాఖలో పనిచేస్తున్నాడని చెప్పి TTEని బెదిరించడం ప్రారంభించినట్లు తెలుస్తోంది.
పరిస్థితి చేయి దాటిపోతుందని భావించిన TTE.. తన మొబైల్ ఫోన్‌లో మొత్తం ఘటనను వీడియోగా రికార్డ్ చేయడం ప్రారంభించారు.
ఇది గమనించిన ఆ మహిళ.. ఒక్కసారిగా తన దుస్తులను తానే చించుకుని, TTE తనపై లైంగికంగా వేధింపులకు పాల్పడ్డారని ఆరోపిస్తూ గట్టిగా కేకలు వేసినట్లు కథనంలో పేర్కొన్నారు.
అయితే అదృష్టవశాత్తూ.. TTE అప్పటికే ఘటనను వీడియోగా రికార్డ్ చేస్తుండటంతో, అక్కడ ఏం జరిగిందనే విషయం వీడియోలో నమోదైంది.
ఈ వీడియో ప్రస్తుతం సోషల్ మీడియాలో వైరల్‌గా మారింది. వీడియోను చూసిన పలువురు నెటిజన్లు.. ప్రభుత్వ ఉద్యోగిని విధులు నిర్వర్తించకుండా అడ్డుకోవడం, అలాగే తప్పుడు ఆరోపణలు చేసినట్లయితే సంబంధిత మహిళపై కఠిన చర్యలు తీసుకోవాలని కోరుతున్నారు.
ఈ ఘటనపై ‘రైల్వే సేవా’ అధికారులు కూడా స్పందించినట్లు తెలుస్తోంది. ఘటనకు సంబంధించిన వివరాలను పరిశీలించి, తగిన చర్యలు తీసుకుంటామని వారు వెల్లడించినట్లు సమాచారం.