పోలాండ్ రాజధాని వార్సాలో ఉన్న ఒక వినూత్న ఇల్లు ప్రస్తుతం సోషల్ మీడియాలో విశేష దృష్టిని ఆకర్షిస్తోంది.
ప్రపంచంలోనే అత్యంత సన్నని ఇళ్లలో ఒకటిగా పేరొందిన ఈ ఇంటి వెడల్పు, అత్యంత ఇరుకైన భాగంలో కేవలం 72 సెంటీమీటర్లు మాత్రమే. ఇక కాస్త వెడల్పుగా ఉండే భాగంలో దాదాపు 1272 సెం.మీ. స్థలంలో ఒక పూర్తి ఇల్లు..! వంటగది, బాత్‌రూమ్, బెడ్‌రూమ్… లోపల చూస్తే నమ్మలేరు!
పోలాండ్ రాజధాని వార్సాలోని ఒక వింతైన ఇల్లు ప్రస్తుతం ఇంటర్నెట్‌లో అందరి దృష్టినీ ఆకర్షిస్తోంది.
ప్రపంచంలోనే అత్యంత సన్నని ఇళ్లలో ఒకటిగా పేరొందిన ఈ ఇంటి వెడల్పు, దాని అత్యంత ఇరుకైన భాగంలో కేవలం 72 సెంటీమీటర్లు మాత్రమే. దీని వెడల్పైన భాగం దాదాపు 122 సెంటీమీటర్ల వరకు ఉంటుంది.
బయట నుంచి చూస్తే ఇది ఇల్లా లేక చాలా ఇరుకైన సందా అన్నట్లుగా కనిపిస్తుంది. కానీ లోపలికి వెళ్లి చూస్తే ఆశ్చర్యపోయేలా అవసరమైన అన్ని వసతులూ సమకూర్చారు. మూడు అంతస్తులుగా (లెవల్స్) రూపొందించిన ఈ ఇంట్లో పనిచేసుకునే స్థలం (వర్క్‌స్పేస్), వంటగది, టాయిలెట్ మరియు స్నానాల గది ఉన్నాయి.
పై అంతస్తులో పడకతో కూడిన చిన్న బెడ్‌రూమ్ కూడా ఉంది. తక్కువ స్థలాన్ని ఏమాత్రం వృథా చేయకుండా వినియోగించుకునేలా చెక్క మెట్లతో సహా పలు ప్రత్యేకతలను తీర్చిదిద్దారు. పైకప్పుకు అమర్చిన అద్దాల ద్వారా సహజమైన వెలుతురు లోపలికి వచ్చేలా ఏర్పాట్లు చేశారు.
ఈ ఇంటి ప్రత్యేకత కేవలం దాని చిన్న పరిమాణం మాత్రమే కాదు; అత్యంత తక్కువ స్థలంలో కూడా సరైన ప్రణాళికతో అవసరమైన వసతులను ఎలా ఏర్పాటు చేసుకోవచ్చో ఇది నిరూపిస్తోంది. దీని వినూత్న డిజైన్, ఇంటీరియర్ దృశ్యాలు సోషల్ మీడియాలో నెటిజన్లను విపరీతంగా ఆకట్టుకుంటున్నాయి.