“కోళ్ల గూటిలో వేట.” కదలలేక కోడిని కక్కిన కొండచిలువ. బిత్తరపోయిన యజమాని. ఒళ్లు గగుర్పొడిచే వీడియో వైరల్..!!

కేరళ రాష్ట్రం కోజికోడ్ ప్రాంతంలోని ఒక ఇంటి కోళ్ల గూటిలోకి అర్ధరాత్రి ఓ భారీ కొండచిలువ దూరింది.

గూటిలో ఉన్న కోళ్లను ఒక్కొక్కటిగా మింగేయడంతో, పొట్ట ఉబ్బిపోయి కదలలేక ఆ పాము అక్కడే ఉండిపోయింది.

ఉదయం కోళ్లకు మేత వేసేందుకు వెళ్లిన యజమాని, గూటిలో భారీ కొండచిలువ చుట్టుకుని ఉండటం చూసి భయాందోళనలకు గురై వెంటనే పాములు పట్టేవారికి (స్నేక్ క్యాచర్స్) సమాచారం అందించాడు. ఘటనా స్థలానికి చేరుకున్న వారు ఆ పామును పట్టుకునేందుకు ప్రయత్నించారు.

తనకు పెను ప్రమాదం పొంచి ఉందని గ్రహించిన ఆ కొండచిలువ, భయంతో తాను చివరగా మింగిన కోడిని నోటి నుంచి బయటకు కక్కింది. ఇది చూసి అక్కడున్న వారు తీవ్ర ఆశ్చర్యానికి గురయ్యారు. అనంతరం ఆ కొండచిలువను సురక్షితంగా పట్టుకుని అటవీశాఖ అధికారులకు అప్పగించారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.