ఛీ.. నువ్వసలు మనిషివేనా? “ఫోన్లో ఎవరితో మాట్లాడావు?”.. అనుమానంతో ఇనుప రాడ్డుతో భార్య తల పగలగొట్టిన భర్త: ఒళ్లు గగుర్పొడిచే ఘోరం!

కాన్పూర్ దేహత్ ప్రాంతంలో కుటుంబ కలహాల కారణంగా గజేంద్ర అనే యువకుడు తన భార్య సప్నాను ఇనుప రాడ్డుతో కొట్టి దారుణంగా హత్య చేశాడు.

సప్నా ఫోన్లో వేరొకరితో మాట్లాడటంపై గజేంద్రకు కలిగిన అనుమానమే ఈ ఘర్షణకు ప్రధాన కారణమైంది. ఇద్దరి మధ్య మాటామాటా పెరిగి వివాదం ముదరడంతో, గజేంద్ర ఆగ్రహంతో ఊగిపోతూ భార్య తలపై బలంగా కొట్టాడు. తీవ్ర రక్తస్రావం కావడంతో సప్నా ఘటనా స్థలంలోనే ప్రాణాలు విడిచింది.

గజేంద్ర, సప్నా ఇద్దరూ ప్రేమించుకుని కేవలం రెండు నెలల క్రితమే వివాహం చేసుకున్నారు. సప్నా ముస్లిం మతానికి చెందిన యువతి కావడంతో, ఈ పెళ్లి కోసం ఆమె హిందూ మతంలోకి మారి గజేంద్రను మనువాడింది. దాంపత్య జీవితాన్ని ప్రారంభించి రెండు నెలలు కూడా గడవకముందే జరిగిన ఈ పాశవిక హత్య స్థానికంగా తీవ్ర కలకలం రేపింది.

ఈ ఘటనపై సమాచారం అందుకున్న పోలీసులు వెంటనే ఘటనా స్థలానికి చేరుకుని మృతదేహాన్ని స్వాధీనం చేసుకుని పోస్ట్‌మార్టం నిమిత్తం తరలించారు. భార్యను హత్య చేసి తప్పించుకునేందుకు యత్నించిన గజేంద్రను పోలీసులు అదుపులోకి తీసుకుని, కేసు నమోదు చేసి ముమ్మర విచారణ చేపట్టారు.