ప్రస్తుత కాలంలో గుండె జబ్బులు ఒక తీవ్రమైన సమస్యగా మారాయి. అధిక కొలెస్ట్రాల్, మధుమేహం వంటి వ్యాధుల వల్ల గుండెపోటు ప్రమాదం పెరుగుతోంది. సాధారణంగా రక్త ప్రవాహంలో అడ్డంకులు ఏర్పడటం వల్ల గుండెపోటు వస్తుంది, దీనికి కొలెస్ట్రాల్ పెరగడం ప్రధాన కారణం. అయితే, చెడు జీవనశైలి, ఒత్తిడితో పాటు మీ రక్తగతం (Blood Group) కూడా గుండె ఆరోగ్యంపై ప్రభావం చూపుతుందని శాస్త్రీయ అధ్యయనాలు చెబుతున్నాయి.
పరిశోధనలు ఏం చెబుతున్నాయి? అంతర్జాతీయ అధ్యయనాల ప్రకారం, ‘O’ బ్లడ్ గ్రూప్ లేని వారికి (అంటే A, B లేదా AB గ్రూపుల వారికి) గుండె జబ్బుల ప్రమాదం ఎక్కువగా ఉంటుంది.
- A లేదా B గ్రూప్: ‘O’ గ్రూప్‌తో పోలిస్తే వీరికి గుండెపోటు వచ్చే అవకాశం 8% ఎక్కువగా ఉంటుంది.
- AB గ్రూప్: వీరికి ప్రమాదం అత్యధికంగా ఉంటుంది. కొన్ని అధ్యయనాల ప్రకారం ‘O’ గ్రూప్ కంటే వీరికి 23% ఎక్కువ ముప్పు ఉంటుంది.
- హార్ట్ ఫెయిల్యూర్: ‘A’ బ్లడ్ గ్రూప్ ఉన్నవారికి హార్ట్ ఫెయిల్యూర్ వచ్చే అవకాశం 11% ఎక్కువగా ఉంటుంది.
కారణం ఏమిటి? ‘O’ గ్రూప్ కాని వారిలో (A, B, AB) రక్తం గడ్డకట్టడానికి కారణమయ్యే ప్రోటీన్లు (Von Willebrand factor వంటివి) ఎక్కువగా ఉంటాయి. దీనివల్ల రక్త నాళాలలో అడ్డంకులు ఏర్పడే అవకాశం పెరుగుతుంది.