టీ20 ప్రపంచకప్ 2026 టైటిల్‌ను కైవసం చేసుకున్న భారత జట్టుకు బీసీసీఐ ₹131 కోట్ల నగదు బహుమతిని ప్రకటించింది.
ఈ ప్రకటనతో బోర్డు తన పాత రికార్డును తానే తిరగరాసింది. గతంలో 2024లో రోహిత్ శర్మ సారథ్యంలో టీమిండియా ప్రపంచకప్ గెలిచినప్పుడు బీసీసీఐ ₹125 కోట్ల బహుమతిని ఇచ్చింది. ఇప్పుడు అంతకంటే ఎక్కువ మొత్తాన్ని అందజేయాలని నిర్ణయించింది.
ఈసారి కెప్టెన్ సూర్యకుమార్ యాదవ్ నేతృత్వంలోని భారత జట్టు అహ్మదాబాద్‌లోని నరేంద్ర మోదీ స్టేడియంలో జరిగిన ఫైనల్ మ్యాచ్‌లో న్యూజిలాండ్‌ను ఓడించి ట్రోఫీని గెలుచుకుంది. ఈ విజయంతో టీ20 ప్రపంచకప్ చరిత్రలో తమ టైటిల్‌ను విజయవంతంగా కాపాడుకున్న (Defending Champions) తొలి జట్టుగా భారత్ రికార్డు సృష్టించింది.
బీసీసీఐ ప్రకటన ముఖ్యాంశాలు:
“ఐసీసీ మెన్స్ టీ20 ప్రపంచకప్ 2026లో అద్భుత ప్రదర్శన చేసిన టీమిండియాకు ₹131 కోట్ల నగదు బహుమతిని ప్రకటిస్తున్నందుకు సంతోషంగా ఉంది.”
అహ్మదాబాద్ ఫైనల్‌లో న్యూజిలాండ్‌ను ఓడించి భారత్ ఈ ప్రతిష్టాత్మక ట్రోఫీని కైవసం చేసుకుంది.
ఈ విజయంతో టీ20 ప్రపంచకప్‌ను మూడుసార్లు (2007, 2024, 2026) గెలుచుకున్న ఏకైక జట్టుగా భారత్ క్రికెట్ చరిత్రలో అత్యంత విజయవంతమైన జట్టుగా నిలిచింది.