దుబాయ్: ఐసీసీ మహిళల టీ20 ప్రపంచకప్ 2026 టోర్నీలో భాగంగా ఇంగ్లాండ్, వెస్టిండీస్ మహిళల జట్ల మధ్య జరిగిన లీగ్ మ్యాచ్లో క్రికెట్ అభిమానులను విస్మయానికి గురిచేసిన ఒక భారీ అంపైరింగ్ వివాదం చెలరేగింది.
third అంపైర్ (మూడో అంపైర్) ఇచ్చిన అత్యంత షాకింగ్ నిర్ణయంపై వెస్టిండీస్ జట్టు కెప్టెన్, స్టార్ ఆల్ రౌండర్ హేలీ మాథ్యూస్ (Hayley Matthews) మైదానంలోనే తన తీవ్ర ఆగ్రహాన్ని, అసంతృప్తిని వ్యక్తం చేసింది.
అసలేం జరిగిందంటే?
వెస్టిండీస్ ఇన్నింగ్స్ 4వ ఓవర్లో.. ఇంగ్లాండ్ బౌలర్ లిన్సే స్మిత్ వేసిన బంతిని హేలీ మాథ్యూస్ కట్ షాట్ ఆడేందుకు ప్రయత్నించింది. ఆ సమయంలో బంతి వికెట్ కీపర్ అమీ జోన్స్ చేతుల్లోకి వెళ్లగా.. క్యాచ్ అవుట్ కోసం ఇంగ్లాండ్ ఆటగాళ్లు గట్టిగా అప్పీల్ చేశారు. అయితే, మైదానంలోని ఫీల్డ్ అంపైర్ ఎన్. జనని దీనిని అవుట్ ఇవ్వడానికి నిరాకరించారు. దీనితో ఇంగ్లాండ్ కెప్టెన్ చార్లీ డీన్ ఏమాత్రం ఆలస్యం చేయకుండా వెంటనే డీఆర్ఎస్ (DRS – Decision Review System) రివ్యూ తీసుకుంది.
రిప్లేలో స్పష్టమైన గ్యాప్ – అయినా అవుట్!
టీవీ రీప్లేలో (TV Replay) బంతి బ్యాట్ను దాటి వెళ్తున్నప్పుడు, వాటి మధ్య స్పష్టమైన గ్యాప్ (ఇంటర్వెల్) ఉన్నట్లు చాలా స్పష్టంగా కనిపించింది. కానీ, థర్డ్ అంపైర్ నిమాలి పెరీరా ‘అల్ట్రా-ఎడ్జ్’ (Ultra-Edge) సాంకేతికతను పరిశీలించినప్పుడు, అందులో ఒక పెద్ద ‘స్పైక్’ (శబ్దం తాలూకు గ్రాఫ్) నమోదైంది. అత్యంత విచిత్రంగా, ఆ స్పైక్ కనిపించిన అదే ఫ్రేమ్లో.. వీడియోలో మాత్రం బంతికి, బ్యాట్కు మధ్య స్పష్టమైన దూరం ఉంది.
అంపైర్ పెరీరా వీడియోలో ఆ స్పష్టమైన గ్యాప్ను గమనించినప్పటికీ.. చివరికి వీడియో సాక్ష్యం కంటే అల్ట్రా-ఎడ్జ్ స్పైక్ను మాత్రమే ప్రాధాన్యతగా తీసుకుని, ఫీల్డ్ అంపైర్ నిర్ణయాన్ని మార్చుతూ ‘అవుట్’ అని ప్రకటించారు. ఈ షాకింగ్ నిర్ణయంతో తీవ్ర నిరాశకు గురైన హేలీ మాథ్యూస్, మైదానాన్ని వీడడానికి ముందు అంపైర్లు జనని మరియు ఎలోయిస్ షెరిడాన్లతో తీవ్ర వాగ్వాదానికి దిగింది.
డగౌట్లోనూ తగ్గని ఆగ్రహం:
ఆ తర్వాత డగౌట్ (Dug-out) ప్రాంతానికి వెళ్లిన తర్వాత కూడా ఆమె కోపం చల్లారలేదు. హెడ్ కోచ్ షేన్ డిట్జ్తో కలిసి కూర్చుని, ఆ వింత అవుట్కు సంబంధించిన వీడియోను పదే పదే చూస్తూ తన ఆవేదనను వ్యక్తం చేసింది. అంతేకాకుండా, బౌండరీ లైన్ సమీపంలో నిలబడిన ఫోర్త్ అంపైర్ (రిజర్వ్ అంపైర్) కెరిన్ క్లాస్టే వద్దకు వెళ్లి.. ఈ తప్పుడు నిర్ణయంపై సుదీర్ఘంగా మాట్లాడుతూ తన తీవ్ర నిరసనను వ్యక్తం చేసింది. ఈ వివాదాస్పద నిర్ణయం ఇప్పుడు సోషల్ మీడియాలో క్రికెట్ వర్గాల మధ్య పెద్ద చర్చకు దారితీసింది.