ప్రముఖ జియోగ్రాఫర్ మరియు క్లైమేట్ యాక్టివిస్ట్ రెబెకా జోన్స్, అధ్యక్షుడు డొనాల్డ్ ట్రంప్‌పై చేసిన ఒక వ్యంగ్య ట్వీట్ ప్రస్తుతం సోషల్ మీడియాలో వైరల్ అవుతోంది. ఓవల్ ఆఫీస్‌లో జరిగిన ఒక కార్యక్రమం అకస్మాత్తుగా ముగిసిపోవడానికి కారణం వివరిస్తూ, ట్రంప్ ‘తన ప్యాంటులోనే మలవిసర్జన చేశారు’ అని ఆమె ఎద్దేవా చేశారు.
అసలేం జరిగింది? గురువారం నాడు ఓవల్ ఆఫీస్‌లో డ్రగ్ రికవరీ ప్రోగ్రామ్‌కు సంబంధించిన కార్యనిర్వాహక ఉత్తర్వులపై సంతకం చేసే సమయంలో 79 ఏళ్ల ట్రంప్ విలేకరులను వెంటనే గది నుండి బయటకు వెళ్లాల్సిందిగా కోరారు. ఎటువంటి ప్రశ్నలకు సమాధానం ఇవ్వకుండా కార్యక్రమాన్ని హఠాత్తుగా ముగించడంతో గందరగోళం నెలకొంది.
దీనిపై రెబెకా జోన్స్ స్పందిస్తూ.. “ట్రంప్ ప్యాంటులో అసౌకర్యంగా ప్రవర్తించడం వల్లే రిపోర్టర్లను బయటకు పంపేశారు” అంటూ ఎక్స్‌లో (ట్విట్టర్) పోస్ట్ చేశారు. దీనిపై నెటిజన్లు రకరకాలుగా స్పందిస్తున్నారు. మరికొందరు ఆ సమయంలో అక్కడ ఉన్న అధికారుల ముఖ కవళికలను గమనిస్తూ రకరకాల ఊహాగానాలు చేస్తున్నారు.
ఎప్‌స్టీన్ ఫైల్స్‌లో ట్రంప్ పేరు: మరోవైపు, జెఫ్రీ ఎప్‌స్టీన్ కేసులో కొత్తగా విడుదలైన పత్రాలలో ట్రంప్ పేరు ప్రస్తావనకు వచ్చింది. అయితే, ఈ పత్రాలు కేవలం ఎఫ్‌బిఐ (FBI) విజిల్‌బ్లోయర్ హాట్‌లైన్‌కు వచ్చిన కాల్స్ సారాంశం మాత్రమేనని, ఇవి నేరానికి సంబంధించిన ఆధారాలు కావని అధికారులు స్పష్టం చేశారు.