“ట్రంప్ హెచ్చరిక.. ఇరాన్‌తో 3 గంటల పాటు చర్చలు.. ఒకే రోజులో వరుస మలుపులు!. హోర్ముజ్ జలసంధి మళ్లీ తెరుచుకోనుందా?!!!”

అమెరికా – ఇరాన్ మధ్య ఉద్రిక్తతలు కొనసాగుతున్న నేపథ్యంలో, న్యూయార్క్‌లో ఇరు వర్గాల ప్రతినిధులు దాదాపు 3 గంటల పాటు చర్చలు జరిపారు.

అమెరికా అధ్యక్షుడు డోనాల్డ్ ట్రంప్ తీవ్ర హెచ్చరికలు జారీ చేసిన కొద్దిసేపటికే ఈ చర్చలు జరగడం గమనార్హం. అయితే ఈ సమావేశం చాలా బాగుందని ట్రంప్ పేర్కొన్నారు.

అమెరికా తరఫున ప్రత్యేక ప్రతినిధి స్టీవ్ విట్‌కాఫ్, జారేడ్ కుష్నర్ పాల్గొన్నట్లు సమాచారం. ఇరాన్ తరఫున విదేశాంగ మంత్రి అబ్బాస్ అరాగ్చీ హాజరయ్యారు. ఈ చర్చలు నేరుగా కాకుండా, మధ్యవర్తుల ద్వారా ఇరుపక్షాల మధ్య జరిగాయని కూడా కథనాలు వెలువడుతున్నాయి.

ఈ చర్చల్లో హోర్ముజ్ జలసంధిని మళ్లీ తెరవడమే ప్రధాన అంశంగా ఉన్నట్లు తెలుస్తోంది. అమెరికా తమ నావికాదళ దిగ్బంధనాన్ని తొలగించాలని, నిలిపివేసిన ఇరాన్ ఆస్తులను విడుదల చేయాలని మరియు యుద్ధాన్ని ముగించాలని ఇరాన్ షరతులు విధించినట్లు సమాచారం. ఈ షరతులను నెరవేరిస్తే హోర్ముజ్ జలసంధిని తిరిగి తెరవడానికి సిద్ధంగా ఉన్నామని ఇరాన్ వర్గాలు తెలిపాయి.

మరోవైపు, ఇరాన్ అణు ఆయుధాలను తయారు చేయడాన్ని అమెరికా ఎంతమాత్రం సహించదని ట్రంప్ పునరుద్ఘాటించారు. అదే సమయంలో చర్చల ద్వారా పరిష్కారం కనుగొనే అవకాశం కూడా ఉందని ఆయన ప్రస్తావించారు. త్వరలోనే ఇరు వర్గాల మధ్య మరో సమావేశం జరిగే అవకాశం ఉందనే వార్తలు కూడా వస్తున్నాయి.