ఢిల్లీ క్యాపిటల్స్ ప్రాక్టీస్ మ్యాచ్ జరుగుతుండగా, ఊహించని విధంగా ఒక వీధి కుక్క మైదానంలోకి రావడంతో ఆట కాసేపు నిలిచిపోయింది. ఈ హఠాత్పరిణామంతో ప్రాక్టీస్ ఆగిపోగా, ఆటగాళ్లంతా ఆ కుక్కను చూస్తూ సరదాగా నవ్వుకున్నారు.
వికెట్ కీపర్-బ్యాటర్ అభిషేక్ పోరెల్ వెంటనే స్పందించి పరిస్థితిని చక్కదిద్దాడు. ఎటువంటి కంగారు పడకుండా, ఆ కుక్కతో సరదాగా ఆడుకుంటూ, జట్టు ప్రాక్టీస్‌ను మళ్లీ మొదలుపెట్టేలా దానిని నెమ్మదిగా బౌండరీ లైన్ దాటించి బయటకు పంపాడు. ఈ చిన్నపాటి అంతరాయానికి సంబంధించిన వీడియో సోషల్ మీడియాలో ప్రత్యక్షం కావడంతో, అది కాస్తా క్షణాల్లో వైరల్‌గా మారింది.