ఉత్తరప్రదేశ్ రాష్ట్రం బరేలీ జిల్లాలోని ఇజ్జత్నగర్ పోలీస్ స్టేషన్ పరిధిలోని లే పహాడ్గంజ్ గ్రామంలో.. సన్నీ అలియాస్ రాహుల్ అనే యువకుడు తన భార్య కాజల్తో తలెత్తిన గొడవల కారణంగా ఉరేసుకుని ఆత్మహత్యకు పాల్పడ్డాడు.
దంపతుల మధ్య వచ్చిన విభేదాల వల్ల భార్య కాజల్ అలిగి తన పుట్టింటికి వెళ్లిపోయింది.
ఫోన్ సంభాషణ – ఫేస్బుక్ లైవ్లోనే దారుణం:
ఈ క్రమంలో వారిద్దరి మధ్య ఫోన్లో మరోసారి తీవ్ర వాగ్వాదం, గొడవ జరిగింది. దీంతో తీవ్ర మనస్తాపం, ఆవేశానికి గురైన సన్నీ.. ఫేస్బుక్ లైవ్ (Facebook Live) పెట్టి వీడియో రికార్డ్ అవుతుండగానే ఉరేసుకుని ప్రాణాలు తీసుకున్నాడు.
ఈ దారుణ ఘటనపై సమాచారం అందుకున్న ఇజ్జత్నగర్ పోలీసులు ఘటనా స్థలానికి చేరుకుని, సన్నీ మృతదేహాన్ని స్వాధీనం చేసుకుని పోస్టుమార్టం నిమిత్తం తరలించారు. అనంతరం కేసు నమోదు చేసుకుని దర్యాప్తు ప్రారంభించారు.