“నగలు కొనేందుకు వచ్చినట్లు నటించిన ముగ్గురు మహిళలు.” కనురెప్పపాటులో చీరలోకి నగల పెట్టె. రూ. 45 లక్షల నగలు మాయం. సీసీటీవీలో చిక్కిన షాకింగ్ దృశ్యాలు.!!!

మధ్యప్రదేశ్ రాష్ట్రం బుర్హాన్‌పూర్‌లోని ఓ నగల దుకాణానికి కస్టమర్లలా వచ్చిన ముగ్గురు మహిళలు, సుమారు రూ.45 లక్షల విలువైన నగలను చోరీ చేసినట్లు పోలీసులకు ఫిర్యాదు అందింది.

నగలు కొనేందుకు వచ్చినట్లుగా దుకాణంలోకి ప్రవేశించిన వారు, అక్కడి సిబ్బందిని రకరకాల డిజైన్ల నగలు చూపించమని అడిగారు. అలా చూస్తున్న సమయంలోనే, ఎవరికీ అనుమానం రాకుండా ఓ నగల పెట్టెను చీరలో దాచుకుని తీసుకెళ్లినట్లు తెలుస్తోంది.

దుకాణంలో నగలు చూస్తున్న ఆ మహిళలు, తమకు కావాల్సిన నగలను ఎంపిక చేసుకుంటున్నట్లుగా అందరినీ నమ్మించారు. సిబ్బంది వేరే నగలు తీస్తున్న సమయాన్ని ఆసరాగా చేసుకుని నగల పెట్టెను దాచుకుని తీసుకెళ్లిన ఈ ఘటన.. దుకాణంలో ఏర్పాటు చేసిన సీసీటీవీ కెమెరాలో రికార్డైంది. ఆ మహిళలు అక్కడి నుంచి వెళ్లిపోయిన తర్వాతే నగలు అదృశ్యమైన విషయాన్ని యాజమాన్యం గుర్తించినట్లు సమాచారం.

చోరీకి గురైన నగల విలువ సుమారు రూ. 45 లక్షలు ఉంటుందని అంచనా. కస్టమర్లలా వచ్చి ఇంత భారీ స్థాయిలో నగలను అపహరించిన ఘటన స్థానిక నగల వ్యాపారుల వర్గాల్లో తీవ్ర దిగ్భ్రాంతిని కలిగించింది. ముఖ్యంగా, నగలు చూస్తున్నట్లు సహజంగా నటించి, ఎవరికీ చిన్న అనుమానం కూడా రాకుండా పెట్టెను దాచి తీసుకెళ్లిన తీరు అందరినీ విస్మయానికి గురిచేసింది.

ఈ ఘటనకు సంబంధించిన దృశ్యాలు సీసీటీవీ కెమెరాలో స్పష్టంగా రికార్డయ్యాయి. దుకాణానికి వచ్చిన ఆ మహిళలు ఎలా వ్యవహరించారో ఆ వీడియోలో కనిపిస్తోంది. ఆ దృశ్యాల ఆధారంగా, చోరీకి పాల్పడిన మహిళలను గుర్తించి, అపహరణకు గురైన నగలను రికవరీ చేసేందుకు పోలీసులు దర్యాప్తు ముమ్మరం చేశారు.