సినిమా తారలు అప్పుడప్పుడు ధరించే గ్లామరస్ దుస్తులు వారికి గుర్తింపుతో పాటు విమర్శలను కూడా తెచ్చిపెడుతుంటాయి. తాజాగా నటి కంగనా శర్మకు ముంబై వీధుల్లో అలాంటి ఒక చేదు అనుభవం ఎదురైంది. తన బోల్డ్ లుక్స్తో ఎప్పుడూ వార్తల్లో ఉండే ఈ నటిపై ఒక మహిళా అభిమాని బహిరంగంగానే అసహనం వ్యక్తం చేయడం ఇప్పుడు చర్చనీయాంశంగా మారింది.
అసలేం జరిగిందంటే?
గత గురువారం (ఏప్రిల్ 16) రాత్రి ముంబైలోని ఒక ఖరీదైన రెస్టారెంట్కు కంగనా శర్మ విచ్చేశారు. ఆ సమయంలో ఆమె బ్లాక్ కలర్ ‘డీప్ వీ-నెక్’ లెదర్ మినీ డ్రెస్ ధరించి అందాల ప్రదర్శన చేశారు. అక్కడ ఉన్న ఫోటోగ్రాఫర్లకు ఆమె పోజులిస్తుండగా, ఒక మహిళా అభిమాని ఆమెతో సెల్ఫీ దిగడానికి దగ్గరకు వచ్చారు.
సెల్ఫీ దిగారు.. ఆ వెంటనే షాకిచ్చారు!
కంగనాతో సెల్ఫీ దిగిన తర్వాత, ఆ మహిళా అభిమాని ఒక్కసారిగా నటి దుస్తులను వేలెత్తి చూపారు. “ఇలాంటి బట్టలేంటి? ఒంటిని సరిగ్గా కప్పుకో..” అన్నట్లుగా ఆమెను ఉద్దేశించి ఘాటుగా వ్యాఖ్యానించారు. ఊహించని ఈ విమర్శకు కంగనా శర్మ ఒక్క క్షణం షాక్ తిన్నప్పటికీ, ఏమీ మాట్లాడకుండా మౌనంగా రెస్టారెంట్ లోపలికి వెళ్లిపోయారు. ప్రస్తుతం ఈ వీడియో నెట్టింట వైరల్ కావడంతో.. “తారలకు కనీసం డ్రెస్సింగ్ సెన్స్ ఉండాలి” అని కొందరు, “అది ఆమె వ్యక్తిగత ఇష్టం” అని మరికొందరు వాదించుకుంటున్నారు.
ఎవరీ కంగనా శర్మ?
2016లో వచ్చిన ‘గ్రేట్ గ్రాండ్ మస్తీ’ అనే అడల్ట్ కామెడీ సినిమాతో కంగనా శర్మ తెరంగేట్రం చేశారు. ఆ తర్వాత అనేక మ్యూజిక్ వీడియోలు, టీవీ షోలలో కనిపించారు. ముఖ్యంగా ఓటీటీలో ‘మోనా హోమ్ డెలివరీ’ సిరీస్ ద్వారా పాపులర్ అయ్యారు. ఇన్స్టాగ్రామ్లో ఆమెకు ఏకంగా 3.3 మిలియన్ల మంది ఫాలోవర్లు ఉన్నారు. గ్లామర్ ప్రదర్శనలో బాలీవుడ్ బ్యూటీ ఉర్ఫీ జావేద్కు పోటీగా కంగనాను నెటిజన్లు అభివర్ణిస్తుంటారు.
వ్యక్తిగత జీవితంలో వివాదాలు..
కంగనా శర్మ కెరీర్తో పాటు ఆమె వ్యక్తిగత జీవితం కూడా ఎప్పుడూ వార్తల్లో ఉంటుంది. 2019లో యోగేష్ అనే వ్యక్తిని వివాహం చేసుకున్న ఈమెకు ఒక కుమారుడు ఉన్నాడు. అయితే, ప్రస్తుతం ఆమె తన భర్త నుండి విడాకులు తీసుకునే పనిలో ఉన్నారు.
“నేను మా ఇంట్లో సంపాదించే ఏకైక వ్యక్తిని. మా అమ్మ, సోదరి వైవాహిక జీవితాలు కూడా సక్రమంగా లేవు. నా వైవాహిక బంధంలో కూడా నేను కలిసి ఉండలేకపోయాను” అని గతంలో ఒక ఇంటర్వ్యూలో ఆమె తన ఆవేదనను వ్యక్తం చేశారు.
ఏది ఏమైనా, గ్లామర్ ప్రపంచంలో గుర్తింపు కోసం బోల్డ్ దుస్తులు ధరించడం సాధారణమే అయినా, సాధారణ ప్రజల నుండి ఇలాంటి వ్యతిరేకత రావడం ఇప్పుడు హాట్ టాపిక్గా మారింది.