మహారాష్ట్రలో తీవ్ర సంచలనం సృష్టించిన సంతోష్ పండిట్ వ్యవహారంలో, అర్ధరాత్రి పోలీసులు అతడి ఇంటి తలుపు తట్టిన క్షణం కుటుంబంలో పెను ప్రకంపనలు సృష్టించింది.
తలుపు తెరిచి బయటకు వచ్చిన సంతోష్ పండిట్, తన కోసమే పోలీసులు గుమ్మం వద్ద నిలబడి ఉన్నారని గ్రహించిన మరుక్షణమే మౌనంగా ఉండిపోయాడు. ఎలాంటి ప్రతిఘటన లేకుండా, నెమ్మదిగా తన కుటుంబ సభ్యుల వైపు తిరిగిన ఆ దృశ్యం అక్కడున్న ప్రతి ఒక్కరి హృదయాలను బరువెక్కించింది. బహుశా తన కుటుంబ సభ్యులను ఇలా సజీవంగా చూసే చివరి క్షణం ఇదేనేమో అన్నట్లుగా భావించిన సంతోష్ పండిట్.. నెమ్మదిగా తన చేతిలోని మొబైల్ ఫోన్, నడుముకున్న బెల్ట్ తీసి కుటుంబ సభ్యులకు అప్పగించాడు.
కళ్ల వెంట కారుతున్న కన్నీళ్లను, మనసులో ఉప్పొంగుతున్న భావోద్వేగాలను అణచుకుంటూ తన తల్లిదండ్రులు, కుటుంబ సభ్యుల వైపు చేతులెత్తి మొక్కుతూ దండం పెట్టాడు. “నన్ను క్షమించండి, ఇక నేను వెళ్లివస్తాను” అన్నట్లుగా ఉన్న ఆ నిశ్శబ్దపు వీడ్కోలు, చేతులు జోడించి నమస్కరించిన తీరు అక్కడున్న కుటుంబ సభ్యులను తీవ్ర దిగ్భ్రాంతికి గురిచేసింది.
కుటుంబ సభ్యుల రోదనలు, ఆర్తనాదాల నడుమ పోలీసులు అతడిని తమ వాహనంలోకి ఎక్కించుకుని తీసుకువెళ్లారు. అర్ధరాత్రి వేళ చేపట్టిన ఈ నాటకీయ అరెస్ట్ ఆ ప్రాంతమంతటా దావానలంలా వ్యాపించి తీవ్ర అలజడిని రేపింది.
సంతోష్ పండిట్పై నమోదైన తీవ్రమైన అభియోగాల ఆధారంగానే పోలీసులు ఈ చర్య తీసుకున్నట్లు సమాచారం. కుటుంబ సభ్యులకు తన వస్తువులను అప్పగించి శాంతంగా పోలీసులతో వెళ్లిపోయిన అతడి తీరు.. ఈ కేసు తీవ్రతను, అతడు ఎదుర్కోబోయే న్యాయపోరాటపు క్లిష్టతను స్పష్టం చేస్తోంది.
ఈ సంఘటనపై పోలీసులు దర్యాప్తును ముమ్మరం చేయగా, రాబోయే రోజుల్లో వెలుగులోకి రానున్న నిజాల కోసం స్థానిక ప్రజలు ఉత్కంఠగా ఎదురుచూస్తున్నారు.
Leave a Reply