“నా జీవితాన్ని నాశనం చేసేశారు.” ప్రియురాలి శరీరంలోకి హెచ్ఐవీ రక్తాన్ని ఎక్కించిన కర్కశ ప్రియుడు.. చనిపోయే ముందు కన్నీరుమున్నీరైన యువతి.. గుండెల్ని పిండేసే విషాదం.!!”

ప్రేమను అంగీకరించని తల్లిదండ్రులపై కక్షతో, ప్రియురాలి శరీరంలోకి హెచ్ఐవీ (HIV) సోకిన రక్తాన్ని ఎక్కించిన ఓ కిరాతకుడి వికృత చేష్టల వల్ల.. కుటుంబంలోనే మొదటి గ్రాడ్యుయేట్ అయిన రమణి అనే యువతి బలవన్మరణానికి పాల్పడిన ఘటన తీవ్ర దిగ్భ్రాంతిని కలిగించింది.

పూలు అమ్ముకునే నిరుపేద కుటుంబానికి చెందిన రమణి, తన వంశంలోనే మొదటి గ్రాడ్యుయేట్‌గా పట్టా పొందబోతోంది. అయితే, మనోహర్ అనే యువకుడు ఆమెను ప్రేమిస్తూ వచ్చాడు.

వారి ప్రేమ వ్యవహారానికి యువతి తల్లిదండ్రులు తీవ్ర అభ్యంతరం వ్యక్తం చేశారు. మనోహర్‌కు హెచ్ఐవీ సంక్రమణం ఉండటమే ఇందుకు ప్రధాన కారణం. తమ ప్రేమకు తల్లిదండ్రులు ఒప్పుకోకపోతే, ఆ అమ్మాయికి కూడా ఆ మహమ్మారిని అంటిస్తే ఇక వేరే దారి లేక తమకే ఇచ్చి పెళ్లి చేస్తారనే వంకర బుద్ధితో.. మనోహర్ సిరంజి ద్వారా తన రక్తాన్ని రమణి శరీరంలోకి బలవంతంగా ఎక్కించాడు.

ఈ దారుణ ఘటనతో జీవితం అంధకారమై మానసిక క్షోభను అనుభవిస్తున్న రమణికి, సోషల్ మీడియా మరియు కొన్ని యూట్యూబ్ ఛానెళ్లు మరింత తీరని వేదనను మిగిల్చాయి. ఓ యూట్యూబ్ ఛానెల్ కేవలం వ్యూస్ కోసం నిందితుడి కుటుంబ సభ్యులను, అతని న్యాయవాదిని ఇంటర్వ్యూ చేసింది.

ఆ ఇంటర్వ్యూలో.. రమణే స్వయంగా తన శరీరంలోకి హెచ్ఐవీ రక్తాన్ని ఎక్కించుకోమని ఐడియా ఇచ్చిందని, ఆ యువకుడు నిర్దోషి అంటూ ఆమె క్యారెక్టర్‌పై అసభ్యకరమైన, నిరాధారమైన ఆరోపణలు చేశారు.

తను ఆత్మహత్య చేసుకునే ముందు రమణి విడుదల చేసిన ఆఖరి వీడియోలో.. ‘సోషల్ మీడియాలో ఇలాంటి అబద్ధాలను ప్రచారం చేస్తూ నా జీవితాన్ని పూర్తిగా సర్వనాశనం చేసేశారు’ అంటూ గుండెలవిసేలా రోదించిన తీరు ప్రతి ఒక్కరినీ కంటతడి పెట్టించింది.

బాధిత యువతికి న్యాయం చేయాల్సింది పోయి, లక్షలాది మంది ప్రజల ముందు ఆమె శీలాన్ని శంకించి, పరువుకు భంగం కలిగించిన ఈ పైశాచిక వైఖరి.. చివరకు ఓ నిండు ప్రాణాన్ని బలితీసుకోవడమే కాకుండా యావత్ మానవత్వాన్నే ప్రశ్నించేలా చేసింది.