“నా భార్యను మరొకరికి ఇచ్చి పెళ్లి చేశారు..” ప్రేమించిన భర్త ఇంట్లో లేని సమయం చూసి దూసుకొచ్చిన అమ్మాయి తరఫు బంధువులు.. కూతురిని ఈడ్చుకెళ్లి ఘోరం.. యువకుడి సంచలన ఆరోపణ.!!

కన్యాకుమారి జిల్లా తెన్‌తామరైకుళం పోలీస్ స్టేషన్ పరిధిలోని సామిథోపు ప్రాంతానికి చెందిన జగన్ (35) అనే యువకుడు, అదే ప్రాంతానికి చెందిన దివ్యదర్శిని (20) అనే యువతిని 2025లో ప్రేమ వివాహం చేసుకున్నాడు.

ఈ పెళ్లి అమ్మాయి తల్లిదండ్రులకు ఏమాత్రం ఇష్టం లేకపోవడంతో, గతంలోనే ఈ వ్యవహారంపై పోలీస్ స్టేషన్‌లో పరస్పరం రాసిచ్చి వెళ్లిపోయారు. అయితే, ఇటీవల జగన్ ఇంట్లో లేని సమయం చూసి దివ్యదర్శిని తండ్రి సురేష్, తల్లి కవిత దాదాపు 20 మందికి పైగా అనుచరులతో కలిసి అకస్మాత్తుగా ఇంట్లోకి చొరబడ్డారు. ఇంట్లో ఉన్న జగన్ తల్లిని బెదిరించి, దివ్యదర్శినిని విచక్షణారహితంగా కొడుతూ, బలవంతంగా ఈడ్చుకెళ్లి కారులో కిడ్నాప్ చేశారు.

అలా అపహరించుకుపోయిన దివ్యదర్శినికి ఆమె ఇష్టానికి విరుద్ధంగా మరొక వ్యక్తితో బలవంతంగా రెండో పెళ్లి జరిపించినట్లు సమాచారం వెలుగులోకి వచ్చింది. ఈ ఘటనపై తెన్‌తామరైకుళం పోలీసులు 21 మందిపై కేసు నమోదు చేసినప్పటికీ, నిందితులను తక్షణమే అరెస్ట్ చేసి తన భార్యను సురక్షితంగా రక్షించాలని కోరుతూ జగన్ తన తల్లితో కలిసి జిల్లా ఎస్పీ (SP) కార్యాలయంలో స్వయంగా ఫిర్యాదు చేశారు.