మధ్యప్రదేశ్ రాష్ట్రం భోపాల్‌లో ‘జుదాయి’ సినిమా కథను మించిన నిజ జీవిత విడాకుల ఉదంతం ఒకటి వెలుగుచూసింది.
42 ఏళ్ల ఒక ప్రభుత్వ ఉద్యోగి, తనకంటే పదేళ్లు పెద్దదైన తన సహోద్యోగితో ప్రేమలో పడ్డాడు. దీనివల్ల ఇంట్లో తలెత్తిన గొడవలను తట్టుకోలేక, ఆ వ్యక్తి యొక్క 16 ఏళ్ల కూతురు కుటుంబ న్యాయస్థానాన్ని (ఫ్యామిలీ కోర్ట్) ఆశ్రయించింది. విచారణలో ఆ వ్యక్తి మాత్రం “నేను నా ప్రియురాలితోనే జీవిస్తాను” అని మొండిగా తేల్చి చెప్పాడు.
దీంతో అతని భార్య ఒక అనూహ్యమైన షరతు విధించింది: “నా కుమార్తెల భవిష్యత్తు కోసం నాకు ఒక డ్యూప్లెక్స్ ఇల్లు మరియు 27 లక్షల రూపాయల నగదు.. మొత్తంగా కోటిన్నర రూపాయల విలువైన సెటిల్‌మెంట్ కావాలి” అని ఆమె అడిగింది.
భార్య అడిగిన ఈ భారీ మొత్తాన్ని విని అందరూ షాక్ అవుతుండగా, ఆ ప్రియురాలు మాత్రం ఏమాత్రం ఆలోచించకుండా.. “డబ్బు తీసుకోండి, నా ప్రియుడిని నాతో పంపేయండి” అని చెబుతూ ఆ మొత్తాన్ని చెల్లించడానికి అంగీకరించింది.
తన ప్రియుడి కోసం అతని కుటుంబ భవిష్యత్తును చక్కదిద్దిన ఆ మహిళ చర్యను చూసి కోర్టు సైతం ఆశ్చర్యపోయింది. ప్రస్తుతం రెండు వైపుల వారు సామరస్యంగా విడిపోవడానికి అంగీకరించారు. ఈ వింత సంఘటన ఇప్పుడు భోపాల్‌లో పెద్ద చర్చనీయాంశంగా మారింది.