“‘నాన్న చనిపోయిన విషాదంలోనూ రీల్సా..?” లైక్స్‌ కోసం ఇలా కూడా చేస్తారా..? కెమెరా పెట్టి ఏడుస్తూ వ్యూస్ కోసం కక్కుర్తి.. ఫాలోవర్ల కోసం సోషల్ మీడియా పిచ్చి..!!

సోషల్ మీడియాలో లైక్స్, ఫాలోవర్ల కోసం జనాలు ఎంతకైనా బరితెగిస్తారనడానికి నిదర్శనంగా నిలిచే ఒక షాకింగ్ సంఘటన నెట్టింట వైరల్‌గా మారింది.

వీడియోలో కనిపిస్తున్న ఓ యువతి తండ్రి ఇటీవల కన్నుమూయగా, ఆ సమయంలో ఆమె చేసిన పని పలువురిని విస్మయానికి, అసహ్యానికి గురిచేస్తోంది.

తన తండ్రి ఆత్మకు శాంతి కలగాలని కోరుకుంటూ, ఆ యువతి కన్నీరు పెట్టుకుంటూ ఏడుస్తున్నట్లుగా ఒక రీల్ వీడియో తీసి సోషల్ మీడియాలో పోస్ట్ చేసింది. అంతటి విషాద సమయంలోనూ కెమెరా పెట్టి వీడియో తీయడంపై ఆమె చూపించిన ఆసక్తి నెటిజన్లలో తీవ్ర చర్చకు దారితీసింది.

కన్నవారి మరణం తీరని శోకం అయినప్పటికీ, దాన్ని అడ్డం పెట్టుకుని సోషల్ మీడియాలో సానుభూతి, అటెన్షన్ పొందాలని చూడటం ఎంతవరకు సమంజసం అని పలువురు ప్రశ్నిస్తున్నారు. ఈ డిజిటల్ యుగంలో మానవ భావోద్వేగాలు, విషాద సంఘటనలు కూడా కేవలం లైక్‌ల కోసమే వాడుకోవడం తీవ్ర ఆందోళన కలిగించే విషయమని ప్రజలు అభిప్రాయపడుతున్నారు.

సోషల్ మీడియాలో ఈ వీడియో చూసిన నెటిజన్లు తీవ్ర స్థాయిలో విమర్శలు గుప్పిస్తున్నారు. ‘దేవుడు ఆమె తండ్రి ఆత్మకు శాంతిని ప్రసాదించుగాక, అదే సమయంలో ఆ యువతికి తను ఆశించిన ఫాలోవర్లు, వ్యూస్ కూడా దక్కుగాక’ అంటూ పలువురు నెటిజన్లు వ్యంగ్యంగా, బాధాతప్త హృదయంతో కామెంట్లు పెడుతున్నారు.

కాలక్రమంలో మొబైల్ ఫోన్లు, సోషల్ మీడియా మనుషుల సహజ భావోద్వేగాలను ఏ స్థాయిలో మార్చేశాయనడానికి ఈ సంఘటన ఒక చేదు ఉదాహరణగా నిలిచింది. సోషల్ మీడియా పిచ్చి హద్దులు దాటుతుండటంపై సామాజిక కార్యకర్తలు సైతం ఆందోళన వ్యక్తం చేస్తున్నారు.