న్యూఢిల్లీ: ప్రధానమంత్రి నరేంద్ర మోదీ శుక్రవారం ఒక కంటెంట్ క్రియేటర్ చేసిన రీల్‌ను తన ఇన్‌స్టాగ్రామ్‌లో షేర్ చేస్తూ, సదరు యువకుడి తండ్రిని తన చక్కెర (షుగర్) వాడకాన్ని తగ్గించుకోవాలని కోరారు.
ఆ కంటెంట్ క్రియేటర్ తన రీల్‌లో తన తండ్రి ఒక “మోదీ పగ్లు” (మోదీ అంటే పిచ్చి ఉన్న వ్యక్తి) అని చెబుతూ.. “మీ మాటలే మా నాన్నకు ఆజ్ఞలు కాబట్టి, వచ్చే ‘మన్ కీ బాత్’ కార్యక్రమంలో మీరు మిఠాయిలకు వ్యతిరేకంగా ఏదైనా చెబితే, మా నాన్న షుగర్ కంట్రోల్ అవుతుంది” అని సరదాగా అభ్యర్థించాడు.
దీనికి స్పందిస్తూ పీఎం మోదీ ఇలా రాశారు: “యువరాజ్ అభ్యర్థన మేరకు, నేను అతని తండ్రిని (మరియు ప్రతి ఒక్కరినీ) చక్కెర వాడకాన్ని తగ్గించుకోవాలని కోరుతున్నాను. ఆరోగ్యంగా ఉండండి, సంతోషంగా ఉండండి”.
మరో ఇన్‌స్టాగ్రామ్ స్టోరీలో, పీఎం మోదీ అనుచరులందరినీ “మీ ఆరోగ్యంపై దృష్టి పెట్టండి” అని కోరారు. అధిక చక్కెర వల్ల కలిగే ఆరోగ్య సమస్యలను ఆయన నొక్కి చెప్పారు. ప్రజలందరూ ఫిట్‌గా, చురుకుగా ఉండటానికి యోగాను తమ జీవితంలో భాగం చేసుకోవాలని ఆయన విజ్ఞప్తి చేశారు.
ప్రధాని ప్రతిస్పందనపై యువరాజ్ మళ్ళీ స్పందిస్తూ.. “ఇప్పుడు మోదీ గారే చెప్పారు, నాన్నగారూ ప్లీజ్ ఇకనైనా వినండి” అని పీఎం మోదీ స్టోరీని షేర్ చేస్తూ రాశారు. ఈ రీల్ ఇప్పటికే 2.6 మిలియన్లకు పైగా వ్యూస్‌ను సొంతం చేసుకుంది.