పార్టీలోకి ఒక్కసారిగా దూసుకొచ్చిన భారీ గొరిల్లాలు..! డీజే పాటలకు వాటి స్టెప్పులు చూసి అతిథుల తీన్మార్..! నిజమైన గొరిల్లాలేమోనని ఒక్క నిమిషం అందరూ షాక్..!!

పాకిస్థాన్‌లోని లాహోర్‌లో జరిగిన ఓ పార్టీలో భారీ గొరిల్లాలు ఒక్కసారిగా ప్రత్యక్షమై డ్యాన్స్ చేసిన వీడియో ప్రస్తుతం సోషల్ మీడియాలో తెగ వైరల్ అవుతోంది.

ఆ పార్టీలో ఎప్పటిలాగే డీజే సంగీతానికి అతిథులు ఉత్సాహంగా డ్యాన్స్ చేస్తుండగా, గొరిల్లా వేషధారణలో ఉన్న కళాకారులు ఒక్కసారిగా డ్యాన్స్ ఫ్లోర్‌లోకి ప్రవేశించారు. దీంతో అక్కడున్న వారందరి దృష్టి వారిపై పడింది. నిజమైన గొరిల్లాలే వచ్చాయేమో అన్నట్లుగా ఉన్న ఆ దృశ్యం చూపరులను ఆశ్చర్యానికి గురిచేసింది.

భారీ గొరిల్లా దుస్తులు ధరించిన ఆ కళాకారులు డీజే మ్యూజిక్ బీట్‌కు తగ్గట్టుగా కాళ్లు, చేతులు ఊపుతూ హుషారుగా స్టెప్పులేశారు. వారి చుట్టూ ఉన్న అతిథులు ఆ దృశ్యాన్ని ఆస్వాదించడమే కాకుండా, కొందరు వారితో కలిసి డ్యాన్స్ చేయడం మొదలుపెట్టారు. భారీ శరీరం, పొడవాటి చేతులు, అచ్చం గొరిల్లాను పోలిన ముఖ ఆకృతితో ఉన్న ఆ దుస్తులు కళాకారుల నిజమైన రూపాన్ని పూర్తిగా కప్పేశాయి.

ఈ వినూత్న దృశ్యాన్ని ప్రముఖ వార్తా సంస్థ ఏఎఫ్‌పీ (AFP) తన సోషల్ మీడియా ఖాతాలో షేర్ చేసింది. పార్టీ హాల్‌లో మ్యూజిక్ మార్మోగుతుండగా, గొరిల్లా వేషంలోని కళాకారులు, వారితో పాటు అతిథులు ఉత్సాహంగా డ్యాన్స్ చేయడం ఆ వీడియోలో కనిపిస్తోంది. సాధారణ పార్టీలకు పూర్తి భిన్నంగా జరిగిన ఈ వేడుక ఇప్పుడు నెట్టింట అందరి దృష్టిని ఆకర్షిస్తోంది.

అయితే అవి నిజమైన గొరిల్లాలు కావని, కళాకారులు ధరించిన ప్రత్యేక దుస్తులే ఈ వింత దృశ్యానికి కారణమని తర్వాత అర్థమైంది. లాహోర్ పార్టీకి సంబంధించిన ఈ వీడియో చూసిన నెటిజన్లు ఈ వినూత్న ఏర్పాట్లపై రకరకాలుగా కామెంట్లు చేస్తున్నారు. మొత్తానికి ఒక సాధారణ పార్టీలో ఇలా భారీ గొరిల్లాలు డ్యాన్స్ చేయడం ఇంటర్నెట్‌లో హాట్ టాపిక్‌గా మారింది.