భారత క్రికెటర్ పృథ్వీ షా తన ఆట కంటే వ్యక్తిగత జీవితం విషయాల్లోనే తరచూ వార్తల్లో నిలుస్తుంటారు. ఈ ఏడాది మార్చిలో ఆకృతి అగర్వాల్తో పృథ్వీకి నిశ్చితార్థం జరిగింది. అయితే, ఇప్పుడు వీరిద్దరి నిశ్చితార్థం రద్దయిందని వార్తలు వస్తున్నాయి. అయితే, ఈ విషయంలో ఇద్దరి వైపు నుండి ఎటువంటి అధికారిక ప్రకటన రాలేదు.
ఆకృతి పోస్ట్తో ప్రకంపనలు: పృథ్వీ షా కాబోయే భార్య ఆకృతి అగర్వాల్ తన ఇన్స్టాగ్రామ్లో షేర్ చేసిన స్టోరీ సోషల్ మీడియాలో కలకలం రేపింది. ఆ పోస్ట్లో ఆమె ఎక్కడా పృథ్వీ పేరు ప్రస్తావించనప్పటికీ, గత కొంతకాలంగా వినిపిస్తున్న విభేదాల నేపథ్యంలో ఇది నిశ్చితార్థం రద్దయిందనే వార్తలను నిజం చేస్తోంది. ఆకృతి తన ఇన్స్టాగ్రామ్ నుండి నిశ్చితార్థానికి సంబంధించిన ఫోటోలన్నీ తొలగించడమే కాకుండా, పృథ్వీని అన్ఫాలో కూడా చేశారు.
‘అన్ని పుకార్లు నిజమే’: ఆకృతి తన ఇన్స్టాగ్రామ్ స్టోరీలో, “నేను చాలాసార్లు మోసపోయాను, అయినా నేను ఏమీ అనలేదు. ఒక అడుగు ముందుకు వేసినా, ఇదంతా నిజమని నమ్మలేకపోతున్నాను. అన్ని పుకార్లు నిజమే. సోషల్ మీడియాలో కనిపిస్తున్నదంతా వాస్తవం” అని రాసుకొచ్చారు. అయితే, ఆమె తన పోస్ట్లో ఎక్కడా పృథ్వీ లేదా నిశ్చితార్థం అనే పదాలను ఉపయోగించలేదు. కానీ, వారి బంధం ముగిసిందనేందుకు ఇది స్పష్టమైన సంకేతమని నెటిజన్లు భావిస్తున్నారు.
వివాదాలకు కేరాఫ్ అడ్రస్గా పృథ్వీ షా: పృథ్వీ షా క్రికెట్ ప్రయాణం అద్భుతంగా మొదలైంది. అతని కెప్టెన్సీలో భారత్ అండర్-19 వరల్డ్ కప్ గెలిచింది. తన మొదటి టెస్టులోనే సెంచరీ సాధించి అందరినీ ఆశ్చర్యపరిచారు. అయితే, ఫామ్ కోల్పోవడంతో టీమిండియాలో చోటు కోల్పోయారు. ఆటతో పాటు పృథ్వీకి వివాదాలతో కూడా పాత అనుబంధం ఉంది. డోపింగ్ నిబంధనల ఉల్లంఘన కారణంగా నిషేధానికి గురికావడం, అలాగే ఒక యువతితో రోడ్డుపై జరిగిన గొడవ అప్పట్లో పెద్ద చర్చకు దారితీశాయి.
Leave a Reply