అలీఘర్: ఉత్తరప్రదేశ్ క్రీడా శాఖ భారత క్రికెటర్ రింకూ సింగ్‌కు ప్రాంతీయ క్రీడా అధికారి (RSO) పదవిని అప్పగించేందుకు సిద్ధమవుతోంది. అంతర్జాతీయ పతక విజేతలకు ప్రభుత్వ ఉద్యోగాలు కల్పించాలనే ఉద్దేశంతో 2015లో రాష్ట్ర ప్రభుత్వం ఒక విధానాన్ని రూపొందించింది.
ఈ విధానంలో భాగంగానే రింకూ సింగ్‌కు ఈ బాధ్యతలు అప్పగించనున్నారు. ఇటీవల ముగిసిన ఐసీసీ టీ-20 ప్రపంచ కప్ 2026లో విజేతగా నిలిచిన భారత జట్టులో సభ్యుడిగా ఉన్నందుకు గాను ఆయనను ఈ పదవికి ఎంపిక చేశారు.
9 విభాగాల్లో 24 పోస్టుల గుర్తింపు: ఉత్తరప్రదేశ్ అంతర్జాతీయ పతక విజేతల ప్రత్యక్ష నియామక నిబంధనలు 2022 ప్రకారం.. ఇప్పటివరకు తొమ్మిది ప్రభుత్వ విభాగాల్లో మొత్తం 24 పోస్టులను గుర్తించారు. ఒలింపిక్స్, పారాలింపిక్స్, ప్రపంచ ఛాంపియన్‌షిప్, ఆసియా క్రీడలు మరియు కామన్వెల్త్ గేమ్స్‌లో స్వర్ణ, రజత, కాంస్య పతక విజేతలను వారి ప్రతిభ ఆధారంగా ‘క’, ‘ఖ’, ‘గ’ కేటగిరీలుగా వర్గీకరించారు.
రింకూ సింగ్ టీ-20 ప్రపంచ కప్ విజేత జట్టులో ఉన్నందున, ఆయన పేరును ఆర్‌ఎస్‌ఓ (RSO) పదవికి ఏకగ్రీవంగా ఆమోదించారు.
ముందుగా బీఎస్‌ఏ (BSA) పదవి అనుకున్నా.. ఈ విషయమై క్రీడా శాఖ నుండి మరో రెండు మూడు రోజుల్లో అధికారిక ఉత్తర్వులు వెలువడే అవకాశం ఉంది. అంతకుముందు రింకూ సింగ్‌కు విద్యాశాఖలో ‘బేసిక్ శిక్షా అధికారి’ (BSA) బాధ్యతలు అప్పగించాలని ప్రభుత్వం భావించింది. అయితే, ఆ నిర్ణయాన్ని రద్దు చేసి, ఇప్పుడు ఆయనకు క్రీడారంగంలోనే కీలక బాధ్యతలను అప్పగించాలని నిశ్చయించుకుంది.