“పొరుగు దేశం సరికొత్త కుట్రనా?.. ఇది సాధారణ పావురం కాదు.. పాకిస్థాన్ గూఢచారి.. ఎగురుతూ వచ్చి షాకిచ్చిన పావురం వెనుక దిగ్భ్రాంతికర నిజాలు..!!”

జమ్మూ-కశ్మీర్‌లోని కథువా సరిహద్దు ప్రాంతంలో అనుమానాస్పద స్థితిలో ఎగురుతూ వచ్చిన ఒక పావురాన్ని స్థానిక రైతు పట్టుకుని పోలీసులకు అప్పగించాడు.

ఆ పావురం కాలికి అమర్చిన చిన్న రింగును అధికారులు పరిశీలించగా, దానిపై పాకిస్థాన్‌కు చెందిన ఒక ఫోన్ నంబర్ రాసి ఉండటాన్ని గుర్తించారు. ఈ ఘటన స్థానికంగా తీవ్ర కలకలం రేపింది.

కథువా జిల్లా అంతర్జాతీయ సరిహద్దుకు ఆనుకుని ఉండటంతో, భద్రతా దళాలు మరియు పోలీసులు ఈ వ్యవహారాన్ని అత్యంత తీవ్రంగా పరిగణిస్తున్నారు. పొరుగు దేశం నుంచి రహస్య సమాచారాన్ని చేరవేయడానికా లేక గూఢచర్యం కోసమా ఈ పావురానికి ప్రత్యేక శిక్షణ ఇచ్చి ఉపయోగించారా అనే కోణంలో అధికారులు ప్రస్తుతం లోతైన దర్యాప్తు జరుపుతున్నారు.