“ప్రతిరోజూ ఇదే పని..” నిద్రమాత్రలు వేసుకుని పడుకున్న మహిళపై ఇంట్లో పనిచేసే వ్యక్తి అఘాయిత్యం.. చివరకు ఊహించని మలుపు!

ఉత్తరప్రదేశ్ రాష్ట్రంలోని లఖింపూర్ ఖేరి ప్రాంతానికి చెందిన ఒక పెద్ద భవంతి యజమాని (మహిళ) మానసిక ఒత్తిడితో బాధపడుతున్నారు.

దీని కారణంగా ఆమె ప్రతిరోజూ నిద్రమాత్రలు వేసుకుని గాఢనిద్రలోకి వెళ్లడం అలవాటుగా మార్చుకున్నారు. ఆ ఇంట్లో పనిచేసే ఒక వ్యక్తి, ఆ మహిళ అనారోగ్యాన్ని తనకి అనుకూలంగా మార్చుకున్నాడు. ఆమె మందులు వేసుకుని స్పృహ లేకుండా నిద్రపోతున్న సమయంలో, ఆ నిందితుడు పలుమార్లు ఆమెపై లైంగిక వేధింపులకు పాల్పడి హద్దు మీరాడు.

గత ఫిబ్రవరి 28వ తేదీన, ఆ మహిళ నిద్రమాత్రలు వేసుకోకుండానే నిద్రపోతున్నారు. ఆమె గాఢనిద్రలో ఉందని తప్పుగా అంచనా వేసిన ఆ నిందితుడు, మళ్లీ తన అసభ్యకర ప్రవర్తనను మొదలుపెట్టాడు. అయితే అప్పుడు మెలకువగా ఉన్న ఆ మహిళ, అతని చేష్టలను ప్రత్యక్షంగా చూసి అతడిని రెడ్ హ్యాండెడ్‌గా పట్టుకున్నారు. ఈ ఘటన స్థానికంగా తీవ్ర కలకలం సృష్టించింది.

బాధితురాలు జరిగిన వాస్తవాలను తన కుటుంబ సభ్యులకు వివరించారు. అనంతరం పోలీసు స్టేషన్‌లో ఫిర్యాదు చేయగా, పోలీసులు ఆ నిందితుడిని అరెస్ట్ చేసి జైలుకు పంపారు. ఇలాంటి అవాంఛనీయ సంఘటనలను నివారించడానికి, ఇంట్లో పనివారిని చేర్చుకునే ముందే వారి నేపథ్యాన్ని పోలీసుల ద్వారా వెరిఫై (Police Verification) చేయించుకోవడం చాలా అవసరమని ఈ ఘటన మరోసారి గుర్తుచేస్తోంది.