జైపూర్: రాజస్థాన్ రాష్ట్రంలో ఓ భార్య తన భర్తను ప్రియురాలితో సహా నడిరోడ్డుపై పట్టుకుని నిలదీసిన ఘటనకు సంబంధించిన వీడియో ప్రస్తుతం సామాజిక మాధ్యమాలలో వైరల్గా మారి తీవ్ర చర్చనీయాంశమవుతోంది.
తన భర్తకు మరొక మహిళతో వివాహేతర సంబంధం ఉందనే అనుమానంతో ఆ భార్య, బుధవారం తెల్లవారుజాము నుండి అతని కదలికలపై నిఘా ఉంచింది. ఈ క్రమంలో భర్త సదరు మహిళను తన బైక్పై ఎక్కించుకుని వెళ్తుండగా చూసిన భార్య.. వెంటనే వారిని అడ్డుకుంది. నడిరోడ్డుపైనే ఆ మహిళను నిలదీసి ఆగ్రహం వ్యక్తం చేసింది. ఈ గొడవను అడ్డుకోవడానికి ప్రయత్నించిన భర్తకు సైతం స్థానికుల ముందే ఆమె దేహశుద్ధి చేసింది.
“నన్ను రోజూ కొడుతున్నాడు.. కొట్టడానికి చెప్పు ఇవ్వండి” అంటూ భార్య ఆవేదన:
ఈ ఘర్షణ జరుగుతున్న సమయంలో ఆ భార్య తీవ్ర ఆవేశంతో స్థానికులను ఉద్దేశించి.. “వీడు ప్రతిరోజూ నన్ను ఇంట్లో పెట్టి కొడుతున్నాడు, ఈరోజు వీడిని ఊరికే వదలను.. వీడిని కొట్టడానికి నాకు ఒక చెప్పు ఇవ్వండి” అని గట్టిగా అరిచింది. దీనితో అక్కడ గుమిగూడిన స్థానికులు సైతం ఆమె ఆవేదనను అర్థం చేసుకుని, ఆమెకు మద్దతుగా నిలిచారు.
సామాజిక మాధ్యమాలలో వీడియో వైరల్:
నడిరోడ్డుపై జరిగిన ఈ హైడ్రామాను అక్కడి స్థానికులు కొందరు తమ మొబైల్ కెమెరాలలో చిత్రీకరించారు. ఈ దృశ్యాలు ప్రస్తుతం ‘ఎక్స్’ (ట్విట్టర్) వంటి సామాజిక మాధ్యమాలలో వేగంగా విస్తరిస్తున్నాయి. ఈ ఘటనపై స్థానిక పోలీసులు సమాచారం అందుకుని దర్యాప్తు జరుపుతున్నారు.