“బయటకు వెళ్తూ తలుపులు తాళం వేసి వెళ్తావా..?” బావిలోకి దూకిన భార్య.. ఊరి జనం ముందే చేతులు జోడించి క్షమాపణలు చెప్పిన భర్త.. అసలేం జరిగింది..? వైరల్ వీడియో..!!

మధ్యప్రదేశ్ రాష్ట్రంలోని శివపురి జిల్లాలో భర్తతో జరిగిన గొడవతో మనస్తాపం చెందిన ఓ మహిళ బావిలోకి దూకిన ఘటన స్థానికంగా తీవ్ర కలకలం రేపింది.

భర్త బయటకు వెళ్లే ప్రతిసారీ ఇంటి తలుపులకు తాళం వేసి వెళ్లడం అలవాటుగా పెట్టుకోవడంతో తీవ్ర ఆగ్రహానికి గురైన ఆ మహిళ, ఉన్నట్టుండి బావిలోకి దూకి ఆత్మహత్యాయత్నానికి ఒడిగట్టింది.

వెంటనే పరుగున వచ్చిన భర్త బావిలోకి తాడు వేసి, భార్యను బయటకు రావాల్సిందిగా ప్రాధేయపడ్డాడు. అయితే, ఊరి జనం అందరి ముందూ బహిరంగంగా క్షమాపణ చెబితేనే తాను బయటకు వస్తానని ఆ మహిళ ఖరాకండీగా తేల్చి చెప్పింది.

చుట్టూ ఉన్న జనం చూస్తుండటంతో ఏం చేయాలో పాలుపోని ఆ భర్త, వేరే దారి లేక అందరి ముందే రెండు చేతులూ జోడించి భార్యకు క్షమాపణలు చెప్పాడు. ఆ తర్వాతే ఆమె బావిలో నుంచి బయటకు రావడానికి అంగీకరించింది.

భార్యాభర్తల మధ్య జరిగిన ఈ విచిత్రమైన గొడవ, గ్రామస్థుల సమక్షంలో భర్త చేతులు జోడించి క్షమాపణలు కోరిన దృశ్యాలు ప్రస్తుతం సోషల్ మీడియాలో విపరీతంగా వైరల్ అవుతున్నాయి.