అమెరికాలోని కాలిఫోర్నియా ప్రాంతంలో సుమారు 10,000 సంవత్సరాల క్రితం నాటి ‘పసిఫిక్ మాస్టోడాన్’ (Pacific Mastodon) అనే అరుదైన పురాతన జీవి దంతాలు (శిలాజాలు) బయటపడ్డాయి.
ప్రస్తుత కాలం నాటి ఏనుగులకు పూర్వీకులుగా భావించే ఈ వింత జీవులు.. దాదాపు 11,700 సంవత్సరాల క్రితమే భూమ్మీద నుంచి పూర్తిగా అంతరించిపోయినట్లు శాస్త్రవేత్తలు స్పష్టం చేస్తున్నారు.
లభ్యమైన ఈ పురావస్తు దంతం సుమారు 8.5 అంగుళాల పొడవు, 3 అంగుళాల వెడల్పు కలిగి ఉన్నట్లు పరిశోధకులు వెల్లడించారు. ఇన్ని వేల సంవత్సరాలు గడిచినప్పటికీ, ఈ జీవి దంతాలు ఎలాంటి చెక్కుచెదరకుండా అత్యంత పదిలంగా, సంపూర్ణ స్థితిలో లభించడం పరిశోధకులను విస్మయానికి గురిచేస్తోంది.
చారిత్రక ప్రాధాన్యం కలిగిన ఈ అరుదైన ఆవిష్కరణకు సంబంధించిన వివరాలు, ఛాయాచిత్రాలు ప్రస్తుతం సోషల్ మీడియాలో విపరీతంగా చక్కర్లు కొడుతున్నాయి. సైన్స్, చరిత్ర సంబంధిత అంశాలపై ఆసక్తి చూపే నెటిజన్ల మధ్య ఈ పురాతన దంతాల వెలికితీత ప్రధాన చర్చనీయాంశంగా మారింది.