బెంగళూరు: భారతదేశంలో అత్యధికంగా ప్రైవేట్ కార్లు ఉన్న నగరాల జాబితాలో బెంగళూరు మొదటి స్థానంలో ఉంది.
దీనివల్లే అంతర్జాతీయ స్థాయిలో అత్యధిక ట్రాఫిక్ ఉన్న నగరాల జాబితాలో కూడా బెంగళూరు ముందంజలో ఉంది.
భారతదేశంలో ఢిల్లీలోనే వాహనాల సంఖ్య ఎక్కువ. కానీ, ప్రైవేట్ కార్ల విషయానికి వస్తే మాత్రం బెంగళూరే నంబర్ 1 స్థానంలో ఉంది.
భారతదేశ సిలికాన్ వ్యాలీగా పరిగణించబడే బెంగళూరులో తగినంత స్థాయిలో ప్రజా రవాణా లేకపోవడం, అన్ని ప్రాంతాలకు పూర్తిగా బస్సులు నడపకపోవడం, ఐటీ ఉద్యోగులు ఎక్కువగా ఉండటంతో కొనుగోలు శక్తి ఎక్కువగా ఉండటం వంటి అంశాలు ప్రజలను కార్ల వైపు నడిపించాయి. బెంగళూరు విషయానికొస్తే, అక్కడి జనాభాలో ప్రతి 4-5 మందికి ఒక కార్ ఉంది. మొత్తంగా 25 లక్షల ప్రైవేట్ కార్లు తిరుగుతున్నాయి.
దీని కారణంగా బెంగళూరు ఇప్పుడు ఊపిరి ఆడక ఇబ్బంది పడటం ప్రారంభించింది. అంటే, బెంగళూరు రహదారులు 25 లక్షల కార్లను తంగేంతగా రూపుదిద్దుకోలేదు. అందుకే పీక్ అవర్స్లో కొన్ని కిలోమీటర్ల దూరం దాటడానికే 1-2 గంటల సమయం పడుతోంది. ఇది కాకుండా, వాయు కాలుష్యం మరియు శబ్ద కాలుష్యం కూడా ఏర్పడుతున్నాయి. ఈ ప్రైవేట్ కార్లతో కలిపితే, బెంగళూరులో మొత్తం వాహనాల సంఖ్య 1.1 కోట్లకు చేరుకుంటుంది. ఇందులో కార్ల సంఖ్య మాత్రమే 22 శాతంగా ఉంది.
ఈ విపరీతమైన సంఖ్యను అదుపు చేస్తేనే బెంగళూరులో ట్రాఫిక్ రద్దీ సమస్య సర్దుమణుగుతుందని నిపుణులు చెబుతున్నారు. ఒకే సంస్థలో పనిచేసేవారు వేర్వేరుగా కార్లను ఉపయోగించకుండా ఒకే కార్లో వెళ్లవచ్చు.
అన్ని ప్రాంతాలకు తగినంత స్థాయిలో బస్సు సదుపాయం కల్పిస్తే, ప్రజలు ప్రైవేట్ వాహనాలకు బదులుగా బస్సునే ఎంచుకుంటారు. అదేవిధంగా మెట్రో రైలు సేవలను కూడా పెంచాలి. కార్ పార్కింగ్ రుసుమును రెట్టింపు చేయాలని నిపుణులు సూచిస్తున్నారు.
ఈ పనులన్నీ చేస్తే బెంగళూరులో ట్రాఫిక్ సమస్య ఉండదు. కానీ, ప్రభుత్వం దీనిని ఖచ్చితంగా అమలు చేయాలని సామాజిక వేత్తలు చెబుతున్నారు.