“భార్యను చంపేసి ‘భార్యను చూడాలి’ అంటూ విలపన. తండ్రిని పట్టిచ్చిన చిన్నారి. వీడని మిస్టరీ వెనుక అసలు కథ..!!”

మధ్యప్రదేశ్ రాష్ట్రంలోని రత్లాం ప్రాంతానికి చెందిన సునారోన్ కీ బావడీలో, అస్గర్ అలీ (35) అనే వ్యక్తి తన భార్య రుక్కయ్యా (33)ను కత్తితో విచక్షణారహితంగా పొడిచి దారుణంగా హత్య చేశాడు.

ఈ సంఘటన జరిగిన సమయంలో వారి 7 ఏళ్ల కుమార్తె, 2 ఏళ్ల కుమారుడు ఇంట్లోనే ఉన్నారు. తండ్రి తల్లిపై దాడి చేయడం చూసి భయాందోళనకు గురైన 7 ఏళ్ల చిన్నారి, వెంటనే బయటకు పరుగెత్తుకొచ్చి బంధువులకు, పొరుగువారికి చెప్పి గట్టిగా కేకలు వేసింది. ఇది విని పరుగెత్తుకొచ్చిన స్థానికులు వెంటనే మానక్ చౌక్ పోలీసులకు సమాచారం అందించి, సంఘటనా స్థలంలోనే నిందితుడిని పట్టుకోవడానికి సహాయపడ్డారు.

అరెస్టు అయిన అస్గర్ అలీ, పోలీసు విచారణలో హత్యకు గల కారణాన్ని చెప్పకుండా, “నన్ను రుక్కయ్యా వద్దకు తీసుకెళ్లండి, నేను ఆమెను చూడాలి” అని మాత్రమే నిరంతరం కలవరిస్తున్నాడు. గత కొన్ని నెలలుగా అతడు మానసిక సమస్యలతో బాధపడుతూ చికిత్స పొందుతున్నట్లు పొరుగువారు చెబుతుండగా, పోలీసులు మాత్రం హత్యకు గల అసలు కారణాన్ని తెలుసుకునేందుకు తీవ్రంగా దర్యాప్తు చేస్తున్నారు.