ఇంగ్లాండ్లోని హెర్ట్ఫోర్డ్షైర్లో ఉన్న ఒక పాఠశాలలో ఉపాధ్యాయురాలిగా పనిచేసిన డెబోరా ఫ్రాంక్లిన్ (65) అనే మహిళ, 1990లలో తన వద్దకు ట్యూషన్ కోసం వస్తున్న 9 నుండి 12 సంవత్సరాల వయస్సు గల బాలుడిని తన మంచానికి కట్టేసి, కళ్లు మూసి అనేకసార్లు లైంగికంగా వేధించింది.
బాలుడి ఇంట్లోనూ, తన ఇంట్లోనూ ఉంచుకుని వరుసగా ఈ వేధింపులకు పాల్పడేది. బాధితుడి సోదరి కారులో వీరి అనుచిత చర్యను చూడటంతో సహా పలు ఆధారాల ఆధారంగా, 2024లో ఇచ్చిన ఫిర్యాదు మేరకు విచారణ జరిపి, న్యాయస్థానం ఈమెను నేరస్థురాలిగా నిర్ధారించింది.
తనపై వచ్చిన ఆరోపణలను ఫ్రాంక్లిన్ ఖండించినప్పటికీ, ఉపాధ్యాయురాలికి ఉండాల్సిన విశ్వసనీయతను దుర్వినియోగం చేసినట్లు రుజువు కావడంతో ఆమెను ప్రస్తుతం కస్టడీలోకి తీసుకున్నారు. ఈమెకు వచ్చే అక్టోబర్ 1వ తేదీన జైలు శిక్ష విధించే అవకాశం ఎక్కువగా ఉందని న్యాయమూర్తి తెలిపారు. ఎన్ని సంవత్సరాలు గడిచినా బాధితులకు సరైన న్యాయం అందించడంలో పోలీస్ శాఖ కట్టుబడి ఉంటుందడానికి ఈ కేసు ఒక నిదర్శనంగా నిలిచిందని ప్రభుత్వ లాయర్ పేర్కొన్నారు.